Ձեր վստահելի աղբյուրը

«Ժողովուրդ» թերթը գրում է.

««ՄԼ Մայնինգ» ընկերության շուրջ բորբոքված կրքերը չեն դադարում: Նախ՝ հիշեցնենք, որ այս ընկերությունը փոխկապակցված է ՀՀ հատուկ քննչական ծառայության աշխատակազմի նախկին ղեկավար Դավիթ Սուքիասյանի հետ: Բանն այն է, որ այս ընկերությունը լուրջ խնդիրների առջև է կանգնեցրել Հակակոռուպցիոն դատարանի աշխատակիցներին:

Մասնավորապես, «ՄԼ Մայնինգ» ընկերության գրասենյակը գտնվում է Հակակոռուպցիոն կոմիտեի հարևանությամբ, ընկերության մեքենաները, այդ թվում՝ բեռնատարները, երթևեկելիս վնասում են ճանապարհները, որն էլ հետո դժվարացնում է այդ ճանապարհով այլ մեքենաների երթևեկությունը:

«Ժողովուրդ» օրաթերթի կողմից արված կադրերում ևս երևում է, որ ճանապարհին քարեր են, այն դժվարանցանելի է, և պատճառն էլ հենց այս ընկերության շինարարական գործընթացին մասնակից մեքենաներն են: «ՄԼ մայնինգ» ընկերության շուրջ դժգոհությունները բազմաթիվ են և միայն սրանով չեն սահմանափակվում:

Պարբերաբար «Ժողովուրդ» օրաթերթը կանդրադառնա այս ընկերության գործունեությանն ու առկա դժգոհություններին»։

Մանրամասները թերթի այսօրվա համարում