Ձեր վստահելի աղբյուրը

«Նախագծով սահմանվում է ՀՀ ԶՈւ սպայական, ենթասպայական, շարքային կազմի պայմանագրային զինծառայությողների ատեստավորման արդյունքների գնահատման նոր ձևաչափ և դրանց հիման վրա՝ հավելավճարների նոր չափեր»,-կառավարության նիստում հայտնեց ՀՀ պաշտպանության նախարար Սուրեն Պապիկյանը՝ զեկուցելով Հայաստանի Հանրապետության կառավարության 2023 թվականի փետրվարի 9-ի N 162-Ն որոշման մեջ փոփոխություն և 2023 թվականի փետրվարի 9-ի N 166-Ն որոշման մեջ փոփոխություններ ու լրացում կատարելու մասին նախագիծը:

Նա հայտնեց, որ ատեստացիայի արդյունքներով հավելավճար չի հաշվարկիվի այն դեպքում, երբ ֆիզիկական, կրակային և շարային պատրաստավծության աստճանային գնահատման ժամանակ զինծառայողն առնվազն մեկ պատրաստության աստիճանից կամ մասնագիտական գիտելիքների ծառայողական պարտականությունների իմացության թեստավորումից ստացել է անբավարար գնահատական:

Հայտնելով, որ հավելավճար կտրվի, կամ գործողը կշարունակվի այն դեպքում, երբ թեստավորման արդյունքում զինծառայողը ստացել է բավարար, լավ կամ գերազանց գնահատական ՝ նախարարը տեղեկացրեց, որ թեստերի առնվազը 21 հարցի սխալ պատասխանելու դեպքում զինծառայողը ստանում է անբավարար գնահատական, 30-34 հարցի ճիշտ պատասխանելու դեպքում՝ բավարար, 35-44-ին ճիշտ պատասխանելու դեպքում՝ լավ, իսկ 45 և ավելի հարցերի դեպքում՝ գերազանց:

«Նախագծով առաջարկվու է սպայական կազմի հավելավճարի չափերը գերազանցի դեպքում 470 հազար դրամ է, լավինը՝ 420 հազար դրամ, բավարարինը՝230: Մյուս կազմերն էլ համապատասխանաբար՝ 390 հազար, 345 հազար և 205 հազար դրամ հավելավճար կստանան»,- հայտնեց Պապիկյանը և նշեց, որ գործող աշխատավարձի պայմաններում ամենացածր՝ շարքային կազմը կստանա 321 հազ. դրամ, լավի դեպքում 430 հազ. և գերազնցի դեպքում 470 հազ դրամ աշխատավարձ:

Նախագծի հիմնավորման մեջ ասվում է . «Զինծառայողների ատեստավորման գործընթացի կազմակերպման շրջանակներում առաջին ատեստավորումը նախատեսվում է անցկացնել ս.թ. հունիս ամսվա ընթացքում, միաժամանակ իրականացվում են համապատասխան զինծառայողների ֆիզիկական, կրակային և շարային պատրաստության աստիճանի բարձրացման ինտենսիվ աշխատանքներ, որոնց ընթացքում զինծառայողների հետ տեղի ունեցած քննարկումները և պատրաստության աստիճանի նախնական գնահատումների արդյունքներն ակնհայտ են դարձրել, որ ատեստավորման համակարգի ներդրման և հետագա կենսագոյության համար անհրաժեշտ է ունենալ գնահատման տարբերակված արդյունքներին համապատասխանող հավելավճարների չափեր՝ հավելավճար նախատեսելով նաև «բավարար» գնահատական ստացած զինծառայողների համար, ինչպես նաև տարանջատելով «լավ» կամ «գերազանց» գնահատական ստացած զինծառայողների հավելավճարների չափերը: Այդ նպատակով, առաջարկվում է կարգում ուղղակի սահմանել «ենթակա չէ հաշվարկվելու հավելավճար» եզրակացության կայացման դեպքը, հստակեցնել թեստավորման արդյունքներով «գերազանց» կամ «լավ» կամ «բավարար» գնահատելու պայմանները, քանի որ ֆիզիկական, կրակային և շարային պատրաստության աստիճանների գնահատումն իրականացվում է ՀՀ զինված ուժերում գործող նորմատիվների համաձայն (կարգի 17-րդ կետ), ինչպես նաև հավելավճարի համապատասխան չափի հստակեցման նպատակով սահմանել «գերազանց» կամ «լավ» կամ «բավարար» գնահատելու պայմանները: Ըստ այդմ, առաջարկվում է նաև «գերազանց» գնահատական ստացած զինծառայողների հավելավճարների չափերն սահմանել գործող չափերից 50,000 դրամով ավելի, իսկ «բավարար» գնահատական ստացած զինծառայողների համար հավելավճարներ՝ գործող չափերի 55-60 %-ի սահմաններում:

Նշված ձևաչափով գնահատման և հավելավճարների չափեր սահմանելու դեպքում անհրաժեշտություն է առաջանում կարգավորել նաև այն դեպքերը, երբ օրենքով սահմանված կամավոր կամ պարտադիր ատեստավորման հիման վրա համապատասխան չափով հավելավճար ստացող և օրենքով սահմանված դեպքերում (բարձր պաշտոնի նշանակման կամ 3 տարին մեկ անգամ պարտադիր ատեստավորման դեպքում) իրականացված նոր ատեստավորման արդյունքներով զինծառայողի նկատմամբ կայացվում է «ենթակա է շարունակելու հավելավճարի հաշվարկումը» եզրակացություն, և զինծառայողի գնահատականը տարբերվում է (բարձր կամ ցածր է) նախկին ատեստավորման արդյունքներով ստացած գնահատականից, որի պարագայում առաջարկվում է հավելավճարի հաշվարկումը շարունակել իրականացված նոր ատեստավորման արդյունքներով ստացած գնահատականի համար նախատեսված չափով»: