Ձեր վստահելի աղբյուրը

Բրյուսելյան եռակողմ հանդիպումից հետո Եվրոպական խորհրդի նախագահ Շառլ Միշելի հայտարարությունը  սահմանների դելիմիտացիայի մասին՝ 1991թ–ի Ալմա Աթայի հռչակագրով, նշանակում է Արցախը փաստացի ճանաչվել է Ադրբեջանի կազմում։ Գեներալ-մայոր Գրիգորի Խաչատուրովի գործով դատավարության ժամանակ դատարանի բակում լրագրողների հետ զույցում ասաց քաղաքագետ Հրանտ Մելիք-Շահնազարյանը։

«Իսկապես, Ալմա Աթայի հռչակագրում նշված է, որ տվյալ պահին գոյություն  ունեցող սահմաններում, ոչ թե խորհրդային տարիների, դրա համար Ադրբեջանը կարիք է զգացել  թիվ նշելու, և, փաստորեն, Շառլ Միշելը  հայտարարության մեջ այդ թիվն արձնագրված է, իսկ  պաշտոնական Երևանը որևէ կերպ չի հերքում, որ նման թվի մասին բանակցություններ են եղել, հետևաբար որպես փաստ կարող ենք ընդունել, որ այո, Միշելն ասել է այն, ինչ քննարկվել է այդ սենյակում»,- նշեց քաղաքագետը։

Նա նշեց, որ Բրյուսելում տեղի ունեցածը չի կարելի համար բանակցությունները, այլ՝ Ադրբեջանի  պահանջների ձևակերպում, հետագայում՝  ամրագրում իրավական ուժ, քաղաքական ուժ ունեցող հայտարարությունների տեսքով։

«Բայց նորից եմ կրկնում՝ սա չենք կարող կոչել բանակցություն։ Փաշինյանն այնտեղ ոչ թե բանակցում է, այլ  քննարկում է, թե ինչպես փաթեթավորել հայկական շահը թշնամուն հանձնելու հաջորդ քայլը, որպեսզի հանրության մեջ դա մեծ ռեակցիա չառաջացնի։

Զուտ քննարկում են մեր ժողովրդին խաբելու տարբերակները, դրա համար էլ կառավարության  տարածած հաղորդագրությունը ոչ մի բանի մասին էր, մինչդեռ մենք տեսանք, որ Փաշինանը ոչ միայն Արցախն է  ճանաչում Ադրբեջանի կազմում, նաև ամեն ինչ անում է, որպեսզի արցախահայության սուբյեկտայնությունը որպես այդպիսին զրոյացվի և գետնին հավասարեցվի, չի խոսում արդեն Ստեփանակերտ-Բաքու երկխոսության մասին, խոսում է Բաքու և այնտեղի բնակչություն երկխոսության մասին, այսինքն ամեն ինչ անում է, որպեսզի Արցախը ձայն չունենա հետագայում. ոչ միայն Երևանը դուրս գա այդ պրոցեսից, նաև Արցախը հնարավարություն չունենա ինչ որ կերպ ինքնուրույնության դրսևորի և պաշտպանվի»,- ասաց Հ. Մելիք-Շահնազարյանը։

Նա նշեց, որ ՀՀ Սահմանադրության մեջ ամրագրված է Արցախի ինքնորոշման իրավունքը, Հայաստանի երաշխավոր լինելը։

«Բայց պետությունը ոչնչացվել է շատ վաղուց, Սահմանադրությունն էլ, այս իշխանության կողմից, ինչպես ցանկանում, այնպես մեկնաբանվում է։ Մտածենք ոչ թե Սահմանադրության այս կամ այն դրույթի պահպանման, այլ մեր պետությունը վերականգնելու մասին»,- ասաց քաղաքագետ Հ.Մելիք-Շահնազարյանը։