Ձեր վստահելի աղբյուրը

«Հասկանալի է, որ եկող տարվանից այլ մեթոդաբանություն ենք դնում, բայց նորմալ չէ, որ շաբաթով, ամսով փոսը փորված է, որևէ բան տեղի չի ունենում: Եթե չեն կարողանալու սպասարկել, թող հրաժարվեն պայմանագրերից»,-Երևանի քաղաքապետարանի գործակարգավարական խորհրդակցության ժամանակ ասաց փոխքաղաքապետ Տիգրան Ավինյանը՝ անդրադառնալով դեռ նախորդ խորհրդակցության ժամանակ բարձրացված ճանապարհների փոսալցման աշխատանքներին:

Նա քաղաքապետարանի Շինարարության և բարեկարգման վարչության պետի պաշտոնակատաև Խորեն Գրիգորյանին հարցրեց, թե արդյոք հաջորդ տարվանից ճանապարհները սպասարկման են հանձնելու ճանշիններին ու չեն անելու փոսալցման աշխատանքներ:

Գրիգորյանը դրական պատասխան տվեց և հավելեց, որ գալիք տարվանից փոսալցման, գծանշման, նշանների տեղադրման առանձին մրցույթներ չեն իրականացվելու, դրանք լինելու են փաթեթով, ամսական կատարողականով:

«Այսինքն, ֆիքսելո՞ւ ենք, որ փոսը եթե փորվեց, նույն օրը անպայման պետք է լցվի»,-հրցրեց Ավինյանը՝ հավելելով, որ այդ հարցին շատ լուրջ են վերաբերվելու: 

Վարչության պետի պաշտոնակատարը կրկին դրական պատասխան տվեց՝ նշելով, որ հակառակ դեպքում պայմանագրերը կլուծարվեն::