Ձեր վստահելի աղբյուրը

 «Դատարանը ինքն իր համար, ասես՝  ինքն  ու մեղադրողը լինեն դալիճում, չեն նկատում մյուսներին, անձին վայրութից հեռացրել են, մնացել է առանց պաշտպան»,- Հակակոռուպցիոն դատարանի մոտ , որտեղ ընթանում է գեներալ-մայոր Գրիգորի Խաչատուրովի դատական նիստը, լրագրողներին  իրավիճակն այսպես ներկայացրեց փաստաբան Հակոբ Ենոքյանը։

Նա տեղեկացրեց, որ այժմ ներկայացրել է բացարկի միջնորդություն, քանի որ կան  բավականին փաստեր։

«Միջնորդություն եմ ներկայացնում բացարկի։ Դատարանը երևի իմ խոսելուց հոգենեց, ընդմիջում հայտարարեց, որ ինքը հանգստանա»,- ասաց Ենոքյանը՝ նշելով, որ

«Ժամը՝ 16․45-ից պարոն Խաչատուրովը ապօրինի պահվում է անազատության մեջ, ինչը հանցագործություն է»։

Ավելի մանրամասն՝ տեսանյութում։

Հիշեցնենք, որ Հակակոռուպցիոն դատարանը, դատավոր Տիգրան Դավթյանի նախագահությամբ, փետրվարի 21-ին մերժել էր Գրիգորի Խաչատուրովի կալանավորման միջնորդությունը: Դատախազությունը բողոքարկել է դատական ակտը՝ պահանջելով կալանավորել Խաչատուրովին։ Նա կալանավորվել է մարտի 16-ին։

Գրիգորի Խաչատուրովը ձերբակալվել էր ԱԱԾ-ում քննվող՝ Սեյրան Օհանյանին առնչվող քրեական վարույթի շրջանակներում: Դատախազության ավելի վաղ տարածած հաղորդագրության համաձայն, Գրիգորի Խաչատուրովի նկատմամբ քրեական հետապնդում է հարուցվել փողերի լվացման համար։ Գործը վերաբերում է  Արարատի մարզի Արմաշ համայնքում հողատարածքի գնմանը։ Ըստ դատախազության տարածած հաղորդագրության, հողատարածքը գնած Էդգար Արշակյանը Գրիգորի Խաչատուրովին փոխկապակցած անձ է։