Ձեր վստահելի աղբյուրը

Վրաստանի քաղաքացիները երկուշաբթի երեկոյան Թբիլիսիի խորհրդարանի մոտ բողոքի ակցիա են անցկացրել՝ իշխանություններին կոչ անելով հրաժարվել Ռուսաստանի հետ օդային հաղորդակցությունից և առանց վիզայի ռեժիմից: «ՌԻԱ նովոստի»-ն գրում է, որ ակցիայի կադրերը հեռարձակել է «Ֆորմուլա» հեռուստաընկերությունը։

«Այն ժամանակ, երբ մեր տարածքի 20%-ը օկուպացված է, և երբ Ուկրաինան կործանվում է, մենք իրավունք չունենք նվերներ ընդունել Ռուսաստանից: Օդային երթևեկության մեկնարկը և առանց վիզայի ռեժիմի ընդունումը վնասում են մեր հեղինակությանը»,-ասել են ցուցարարները լրագրողներին:

Ռուսաստանի նախագահ Վլադիմիր Պուտինը մայիսի 15-ից չեղարկել է Վրաստանի հետ վիզային ռեժիմը, ինչպես նաև վերացրել է ռուսական ավիաընկերությունների՝ դեպի այդ երկիր ուղիղ չվերթների արգելքը։ Միևնույն ժամանակ, ՌԴ տրանսպորտի նախարարությունը հայտարարեց, որ ռուսական ավիաընկերությունները պատրաստվում են վերսկսել թռիչքները դեպի Վրաստան, նախատեսվում էր ամեն շաբաթ 7 ուղիղ չվերթ իրականացնել Մոսկվայից Թբիլիսի և հակառակ ուղղությամբ ներքին ինքնաթիռներով։