Ձեր վստահելի աղբյուրը

«Առանց ներքին համերաշխության ոչ մի համախմբում չի լինի, տեսականորեն անհնարին է»,-«Համախմբումը որպես հայկական օրակարգ» թեմայով քննարկմանն ասաց ԱԺ նախկին պատգամավոր  Արման Աբովյանը։

Նա նշեց, որ ներքին համերաշխությունը չի նշանակում համակերպում, հնարավոր չէ համակերպվել այս կամ այն գործընթացի հետ, որը վտանգում է երկրի անվտանգությունը։

«Բայց դրա հետ մեկտեղ  ներքին համերաշխության հիմնական գործառույթը հենք դառնալ համախմբման համար։ Մենք ունենք կարևորագույն խնդիր՝ Հայաստան- Արցախ-Սփյուռք եռամիության իրական վերակենդանացումն է։

Մենք այսօր խնդիր ունենք, երբ որ տարանջատված գործընթաց է գնում Սփյուռքը, Հայաստանը և Արցախը։ Այդ տարանջատումն արհեստականորեն է ստեղծվել»,- ասաց քաղաքական գործիչը։

Նրա խոսքով, ամենավտանգավոր գործոնը, որը թույլ չի տալիս ներքին համերաշխություն լինի, ատելությունն է միմյանց հանդեպ։

«Առանց ազգային, համազգային համերաշխության հնարավոր չէ դուրս գալ այս իրավիճակից»,- ասաց Արման Աբովյանը։

Մանրամասն՝  տեսանյութում։