Ձեր վստահելի աղբյուրը

«Ցավում եմ, որ ապրում ենք այս հասարակարգով, այս արժեքներով պետության մեջ: Մեր երեխեքն իրենց կյանքը տվեցին, որ մեր պետությունը ավելի ամուր ու կանգուն լինի, բայց այսօր տեսնում ենք, որ նույնիսկ զոհվածի ծնողին տարրական հարգանք չկա, բացակայում է»,- լրագրողների հետ զրույցում ասաց 44-օրյա պատերազմում զոհված զինծառայողի մայր Գայանե Եղիազարյանը։

«Առաջին անգամը չէ, որ պայքարող ակտիվիստ ծնողներին, որոնց ուզածը լոկ արդարությունն է, այդ ծնողների հանդեպ որոշակի գործողություններ են իրականացնում։  Ինչպես սեպտեմբերի 21-ին, այնպես էլ՝ այսօր: Այսօրվա միջադեպը շատ զարմանալի է, որ այդ ժամին Աշոտիկը հայտնվեց այդ տարածքում, ես արդեն խիստ կասկածներ ունեմ, որ սա նույնպես սարքած է, իրավունք ունենք կասկածելու և ենթադրելու, որ սադրանք է սա նա»:

Հարցին,թե ինչպես է իրականում տեղի ունեցել դեպքը, ծնողը պատմեց․

«Աշոտ Փաշինյանը քայլում էր, մենք մոտեցել ենք իրեն , ասել ենք, որ ուզում ենք  խոսել իր հետ։  Նույնիսկ պայմանավորվել ենք, որ ոչ ոք մոտիկ չի գալիս , մի հոգի խոսում է Աշոտիկի հետ։ Անվտանգության աշխատակիցներ չկային, ինքը մենակ է եղել։ Խոսակցությունն էլ էն է եղել, որ ինքը ընդունել է, որ իրա պապան, մանան մեղավոր են, ասել է, որ  ներողություն է խնդրում նրանց փոխարեն, ասել է, որ նրանց հետ կապ չունի, չի կարող պատասխան տալ նրա փոխարեն: Մենք էլ ասել ենք՝ մեր երեխեքը բա ինչով են մեղավոր»։