Ձեր վստահելի աղբյուրը

«Պետության համար արժեք չի զոհված զինծառայողի ծնողը։ Սա հերթական անգամ ցույց է տալիս, որ պետության համար ՝ ի դեմս գործող իշխանության,  բացակայում է հարգանքն՝ իրենց կյանքը հայրենիքի համար նվիրաբերած մարդկանց հանդեպ»,- քննչական վարչության մոտ, որտեղ տեղի է ունենում տիկին Գայանեի և Աշոտ Փաշինյանի առերեսումը, լրագրողների հետ զրույցում ասաց քաղաքագետ Մենուա Սողոմոնյանը։

Նրա խոսքով՝ այս իշխանությունների համար կարևոր է միայն նյութականը, իսկ հայրենիքի գաղափարի կարևորությունը՝ գոյություն չունի։

«Կինը, որը կորցրել է երջանկությունն՝ իր որդուն, կարող էր լինել հպարտ, քանի որ իր զավակին նվիրաբերել է իդեայի, գաղափարի, Արցախի ազատության համար, բայց ստանում է նվաստացուցիչ պատասխան՝ անցնելով այսպիսի շինծու գործով»,- ասաց քաղաքագետն ու շարունակեց․

«Նորություն չէ, որ գործող իշխանությունների քաղաքական գծին դեմ գնացող և հանրային կշիռ ունեցող մարդկանց նկատմամբ տեղի են ունենում ուղորդված, շինծու քաղաքական հետապնդումներ»։

Ավելի մանրամասն՝ տեսանյութում։