![](https://panorama.am/news_images/947/2838744_1/capture.thumb.jpg)
Գայանե Հակոբյանի գործով նիստին քննիչն առարկեց անգամ տնային կալանքի կիրառմանը. Ռուբեն Մելիքյան
Երևանի ընդհանուր իրավասության դատարանի Շենգավիթ նստավայրում, դատավոր Ժորա Չիչոյանի նախագահությամբ, ավարտվեց 44-օրյա պատերազմում զոհված զինծառայող Ժորա Մարտիրոսյանի մոր՝ Գայանե Հակոբյանի ձերբակալման իրավաչափության վերաբերյալ բողոքի, նաև քննչական մարմնի ներկայացրած կալանքի միջնորդության քննությունը։ Լրագրողների հետ զրույցում փաստաբան Ռուբեն Մելիքյանն ասաց, որ որոշումը կհրապարակվի վաղը ժամը 15։00-ին։
«Մեզ համար մի քիչ անսպասելի էր, որ որոշման հրապարակումը նշանակեց վաղը։ Դատարանի հիմնավորումներն ընկալելի էին, բայց դրանով հանդերձ անցանկալի էին։ Դա նշանակում է, որ տիկին Գայանեն մեկ օր ևս պետք է անցկացնի ձերբակալվածների պահման վայրում»,- նշեց փաստաբանը։
Ռ.Մելիքյանն ասաց, որ վերահաստատել են բոլոր պնդումները, հիմնական պնդումը, որ կալանք առհասարակ չկիրառվի, անձն ազատ արձակվի առանց այլընտրանքային խափանման միջոցների, նաև պատրաստակամություն են հայտնել իրենց կողմից նշած բոլոր 4 խափանման միջոցները առանձին կամ համակցության մեջ կիրառմանը՝ տնային կալանք, վարչական հսկողություն, գրավ, երաշխավորություն։
«Մենք խնդրեցինք դատարանին այդ բոլորը դիտարկել։ Քննիչը, ցավոք սրտի, չէր փոխել իր դիրքորոշումը, առարկեց անգամ տնային կալանքին»,- ընդգծեց նա։
Հիշեցնենք, որ Գայանե Հակոբյանը ձերբակալվել է մայիսի 17-ին Աշոտ Փաշինյանի «առևանգման» գործով։
Մանրամասն՝ տեսանյութում։
Հարակից հրապարակումներ`
- Զոհված զինծառայողի հայր. Թող գան մեզ սպանեն, բայց Գայանեն պիտի փակի տակ չմնա
- Վահան Հովհաննիսյան. Նիստի ընթացքում տիկին Գայանեն վատացել է, շտապ օգնություն է հրավիրվել
- Փաստաբան. Աշոտ Փաշինյանն առերեսման եկել էր խիստ պատրաստված
- Կալանավորն անժամկետ հացադուլ է հայտարարել՝ ի աջակցություն տիկին Գայանեի
- Ընդդիմադիր պատգամավորները և Հրանտ Թոխատյանը միջնորդություն են ներկայացրել Գայանե Հակոբյանի նկատմամբ կիրառված խափանման միջոցի փոփոխության համար
- Տիկին Գայանեի նկատմամբ կալանքի միջնորդության քննությունը շարունակվելու է այսօր ժամը 13:00-ին
- Քննչական մարմինը զոհված զինծառայողի մայր Գայանե Հակոբյանին կալանավորելու միջնորդություն է ներկայացրել
- Երաշխավորություն է ներկայացվել դատարան Գայանեի ազատության համար. Մամիջանյան
- Այս երիտասարդը՝ Ժորա Չիչոյանն է, որն էլ դատելու է հերոս Ժորա Մարտիրոսյանի մայր՝ Գայանեին. «Որդիների Կանչ» ՀԿ
- Զոհված զինվորի մայր Գայանե Հակոբյանի և Աշոտ Փաշինյանի առերեսումն ավարտվել է
- Քննչական վարչության շենքը շրջապատել են ոստիկանության խմբերը, որտեղ պետք է տեղի ունենա տիկին Գայանեի և Աշոտ Փաշինյանի առերեսումը
- Ըստ ձերբակալման որոշման՝ ազատության մեջ գտնվելու դեպքում տիկին Գայանեն կարող է կրկին առևանգել Աշոտ Փաշինյանին. Փաստաբան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան