Ձեր վստահելի աղբյուրը

ՏՏ ոլորտում աշխատող մասնագետ Կարինա Գասպարովան դատական հայց է ներկայացրել իր ղեկավարի դեմ։ Նա տղամարդուն մեղադրել է կոդավորված կերպով իրեն սեռական հարաբերությունների առաջարկ անելու համար։ Նրա ընկալմամբ, իրեն ուղարկված xx-ը նշանակում է համբույրներ, yy-ն՝ սեռական կապ ունենալու առաջարկ։

Կինը մեկնաբանել է նաև իրեն ուղարկված ֆայլի անունը։  Ըստ նրա, 'ajg'-ն հապավում է, որը բացած նշանակում է «A Jumbo Genital», ինչը նշանակում է հսկա սեռական օրգան։

BBC-ի փոխանցմամբ, կինը ղեկավարին մեղադրել է նաև գայթակղիչ ձայնով «բարի գիշեր» մաղթելու համար։ Գասպարովան պնդել է, որ իր ղեկավարը միտումնավոր դիպել է իր ձեռքին, երբ ձեռքը մեկնել է համակարգչային մկնիկին։

Լ ոնդոնի Կենտրոնական դատարանի զբաղվածության տրիբունալը նրա հայցը չի բավարարել՝ նշելով, որ նկարագարված արարքներից որևէ մեկը սեռական բնույթ չի ունեցել։ Դատարանը մեկնաբանել է, որ կնոջ մոտ առկա է իրադարձությունների շեղված ընկալում, առանց ապացույցների արտասովոր մեղադրանքներ անելու միտում:  Դատարանը նրան միաժամանակ պարտավորեցրել է փոխհատուցել դատական ծախսերը։