Ձեր վստահելի աղբյուրը

Արցախյան երրորդ պատերազմում զոհվածների ծնողները փակել են Ամիրյան-Տիգրան Մեծ և Նալբանդյան փողոցները։ Նրանք պահանջում են ազատ արձակել հանուն հայրենիքի կյանքը տված զինվոր Ժորա Մարտիրոսյանի մորը՝ Գայանե Հակոբյանին, ով դատարանի որոշմամբ կալանավորվել է մեկ ամսով Աշոտ Փաշինյանի «առևանգման գործով»։

44-օրյա պատերազմում զոհված Ժորա Սարգսյանի հայրը՝ Վահիդ Սահակյանը  մանրամասներ պատմեց, թե ինչպես է Աշոտ Փաշինյանը ինքնակամ գնացել ու նստել տիկին Գայանեի մեքենան, իսկ այնուհետև ինչ որ պահի իրեն մեքենայից գցել է։ 

«Ինչու համար է այդ սադրանք արել, մեզ հայտնի չէ»,- ասաց նա։ 

Զոհված զինծառայողի հայրը նշեց, որ Գայանեն փոքրամարմին անձնավորություն է . «44  տարեկան կնոջ հետ նստած է մեքենայի մեջ, կինը նաև մեքենա է վարում։ Ի՞նչ խոսք ասած պետք է լինի Գայանեն, որ Աշոտիկն իրեն գցած լինի մեքենայից։ Եթե տղամարդ է, հագին շալվար կա, այդ քայլին չպետք է դիմեր։ Մերն ասում էր ՝ փախնում էին բոլոր զինվորները, Աշոտիկն էր կանգնեցնում, հերն ասում էր ամբողջ Ջաբրայիլը տղես է ազատագրել։

Էդ ռեմբոն ո՞նց վախեցավ 44 տարեկան մի փոքրամարմին կնոջից, ինչո՞ւ իր հետ մինչև վերջ չգնաց»։