Ձեր վստահելի աղբյուրը

«Պարզվեց, որ այս երկրում գլխավոր հանցագործը ոչ թե հազարավոր տղաներին  մահվան տարած,  տասհազարավորների հաշմանդամ դարձրած, Արցախը թշնամուն հանձնած, Հայաստանի սահմաններն անտերության մատնած Նիկոլ Փաշինյանն է, այլ իր որդուն բանակ ուղարկած, կեղծ փաստաթղթերով բանակից չխուսափած  զոհված զինվորի՝ ժորայի մայրն էր՝ Գայանե Հակոբյանը»,-զոհված զինծառայողների ծնողների բողոքի ակցիայի ժամանակ ասաց 44-օրյա պատերազմում նահատակված Դավիթ Գևորգյանի մայրը՝ Ալիս Գևորգյանը:

Նա նկատեց, որ Գայանե Հակոբյանի որդու շնորհիվ Աշոտ Փաշինյանը կարողանում է հանգիստ շրջել քաղաքում  և անգամ ցուցմունք տալ այն մարդու վրա, ում որդու շնորհիվ նա կարողանում է ազատ երթևեկել քաղաքում:

Ալիս Գևորգյանի խոսքով՝ երբ Արցախն ազատագրած գեներալներին սկսեցին կալանավորել և սպանել, արդեն կարելի էր գլխի ընկնել, որ շարունակությունն էլ այսպիսին է լինելու, որ բոլոր նրանք, որոնք հողի համար կհամարձակվեն թուրքի դեմ դուրս գալ, խստորեն կպատժվեն:

«Մեր տղաները, այո մեղավոր են, որ 44-օր շարունակ իր դաշնակիցներին, դիմադրել են, սատկացրել են հազարավոր իր դաշնակիցներից և հավանաբար սա պահանջ է՝ պահանջ պատժելու բոլոր այն հերոս տղերքի ծնողներին, որոնք դուրս են եկել թուրքի դեմ: Սա այլևս Նիկոլի խնդիրը, չէ, նայև մեր խնդիրը չէ»,-ասաց զոհված զինծառայողմի մայրը:

Հարց հնչեցնելով, թե Նիկոլ Փաշինյանը ինչ կարող է անել Գայանե Հակոբյանին՝ Ալիս Գևորգյանը նկատեց, որ Հակոբյանին Նիկոլն արդեն ցմահ է դատապարտել:

«Եթե կարծում է, թե ինքը Գայանենին կարող է ցավեցնել ավելին, քան ցավաեցրել է, սխալվում է: Ինքը մոռանում է, որ մենք այլևս մահապարտ ենք՝ մարդիկ, որոնք ամեն օր երազում են մահվան մասին, այսինքը, որևէ կերպ այս հիմարություններով մեզ վախեցնել չես կարող»,-ասաց Ալիս Գևորգյանը:

Նրա խոսքով՝ ստաղծվածն արդեն հասարակության խնդիրեն է, որը պետք է որոշի, թե ինչ բարոյականության իրակականության մեջ է ապրելու:

«Իրականություն, որտեղ իրեն պաշտպանող զինվորի մորն են կալանավորում և ուղարկում Աբովյան ՔԿՀ՝ հանցագործների հետ, թե հասարակություն, որտեղ այնուամենայնիվ արժեքներ գործում են, մոր մասին միայն կենացներով չեն ապրում:

Եթե կուզեք՝ ամենաքիչը մեզ պետք է հետաքրքրի այս հասարկությունը, որտեղ մեր զավակներն այլևս չեն ապրում,  այնտեղ ձեր զավակներն են ապրում: Մեր զավակները զոհվել են որպես հերոսներ, երկիրը պաշտպանելուց, շատ հնարավոր է, որ ձեր զավակները վաղը սրանց գործունեության արդյունքում մահանան որպես վերջացած թմրամոլներ: Չեմ ցանկանում՝ ուղղակի ասում եմ, և դրա համար բոլոր հիմքերը կան: Այսօր դուք հնարավորություն ունեք այս իրականությունը փոխել»,-ասաց Դավիթ Գևորգյանի մայրսը:

Նկատելով, որ շատերն ասում էին, թե Աշոտիկն ի՞նչ մեղք ունի, համես շրջում է՝ զոհվածի մայրն ասաց. «Բա, սիրելի Աշոտի՛կ, եթե այդ ժողովրդին դու ու հայրիկդ այդքան սիրում էիք, այդ ժողովրդից մեկն էլ Գայանեն էր, որ ընդամենը ցանկանում էր զրուցել քեզ հետ, ուզում էր ասեր , հլը արի տես, թե հերդ ինչ է արել: Ասենք դրա մեջ հանցագործությո՞ւն կար, հանցա՞նք կար: Աշոտ Փաշինյանը հնարավորություն ուներ իր երիտասարդ կայնքը, ինչքան էլ, որ նա ծանր ճակատագիր ունի՝ հաշվի առնելով այն, որ նա Նիկոլի և Աննայի որդին է, այնուամենայնիվ նա հնարավորություն ուներ, իր ճակատագիրը փոխելու և կյանք մտնելու որպես արժանապատվություն ունեցող մարդ: Որդիները պատասխանատու չեն ծնողների սխալների համար, բայց այն դեպում, երբ որդիները հրաժարվում են ծնողների հանցանքներից և իրենք չեն շարունակում: Աշոտ փաշինյանը հակառակը ապացուցեց»:

Ալիս Գևորգյանը սակայն հույս հայտնեց, որ Աշոտ Փաշինյանը ցուցմունքը ճնշումների տակ է տվել և դեռ հնարավորոթյուն ունի իր կյանքը չսկսելու այդպիսի մեծ խարանով: