Ձեր վստահելի աղբյուրը

«Իր որդին չի կարող հերոսների հետ համեմատվել»,- կառավարության մոտ լրագրողներին ասաց Արցախյան երրորդ պատերազմում զոհված Մխիթար Գալեյանի հայրը՝ Գարիկ Գալեյանը՝ արձագանքելով Փաշինյանի հայտարարությանը, ով իր որդուն համեմատում է  հերոսների հետ,  որ փամփուշտն իր որդու կողքով է անցել։

Նա նշեց, որ «բոլորս քաջ տեղյակ ենք, թե քանի տղու են կոտորել, որ Աշոտիկին հանել են ռիսկային իրավիճակից, որտեղ որ գտնվել էր»։

«ԱԱԾ ցանկացած աշխատակից պատրաստ էր, որ փամփուշտն ու ռումբն իր գլխին ընկներ, բայց Աշոտիկի  վրա չընկներ, քանի որ նրանց ընտանիքները պատանդ էին Փաշինյանի մոտ»։

44-օրյա պատերազմում զոհված  զինծառայող Հակոբ Ռոստոմյանի հայրը՝ Արա Ռոստոմյանը հավելեց. «Բազմիցս Աննա Հակոբյանը, առանց զոհ ունենալու, ասել է՝ ես էլ եմ որդեկորույս մայր, բոլորն իմ տղաներն են։ Ի՞նչ է, ինքը նախանձո՞ւմ է մեզ։ Թող մեր տղաներին հետ տա, իր տղուն տա,  բոլոր տեղերում գոռա՝ ինքը զոհվածի մայր է, հերոսածին է։ Անընդհատ, ամեն տեղ ուզում է երևա, որ որդեկորույս է, ասում է՝ բոլորն իմ երեխեքն են։ Եթե բոլորը քո երեխեքն են, ուրեմն նրանց մայրերը պետք է քո քույրերը լինեն, ոչ թե հրաման տաք այդ քույրերին քարշ տալով տանեն։ Չեմ կարողանում հասկանալ իրենց մոտեցումը։

Ուզում են ներկայացնեն Աշոտիկի կերպարը... Բոլորն էլ տեսել են, թե ինչ վիճակում է  Աշոտիկը քայլում փողոցում, լուրեր են պտտվում,  որ ինքն առանձին է ապրում։

Իրենք ուզում են մեր տղաներին համեմատեն իրենց տղայի հետ, ոչ թե իրենց տղային բարձրացնեն, այլ մեր տղաներին արժեզրկեն։

Ուզում են մեր տղաներին նսեմացնեն։ Չեն կարողանալու։ Քանի կանք, մեր տղաներն ամենաբարձր  դիրքերում են լինելու ու հանրությունն այսօր միգուցե թմբիրի մեջ է, բայց անցնելու է ժամանակ, մեր տղաների անունը սերնդեսերունդ է հիշվելու, իսկ Աշոտիկի  անունը կհիշվի հերոսին մոր նկատմամաբ ցուցմունք տված»։