![](https://panorama.am/news_images/947/2839943_1/25.thumb.jpg)
«Մեր դեմ հայտարարված է լիակատար պատերազմ, սա միայն տիկին Գայանեի հարցը չէ»
Զոհված զինծառայող Ժորա Մարտիրոսյանի՝ մայր Գայանե Հակոբյանի ազատության պահանջով կառավարության դիմաց ակցիա իրականացնող ծնողներին սատարելու էին եկել հասարակական և քաղաքական մի շարք գործիչներ։
ԱԺ «Հայաստան» խմբակցության պատգամավոր Գառնիկ Դանիելյանի կարծիքով, տիրող իրավիճակը նոր աղետալի երևույթի մեկնարկի մասին է խոսում։
«Ես չեմ կարծում, թե էդ մի քանի ընտանիքներից է այս վախերը, որ դուրս է բերվել ամբողջ զորակազմը։ Իմ գնահատմամբ, նոր ու ավելի ծանր զիջումների և մարտահրավերների առջև է կանգնած մեր պետությունը, և այս իշխանությունների վարած քաղաքականության արդյունքում, մենք կանգնել ենք բարդ իրավիճակի առաջ։ Մեզ տարբեր տեղերից տարբեր խոսակցոթյուններ են հասնում, որ այն ամենն, ինչի մասին խոսվում էր երկար ժամանակ, պատրաստվում են իրագործել փաստաթուղթ ստորագրելով»,-ասաց նա։
Ընդդիմադիր պատգամավորը մտավախություն հայտնեց, եթե այս ասուլիսի ընթացքում ոչինչ էլ չհնչի, ապա ապագայում մեզ մեծ աղետի առջև կկանգեցնեն։
«Այն ամենն, ինչ խոսվում էր Բրյուսելում և այլուր, պատահական չէր. դա կամրապնդեն և մենք կունենանք երկրոր դ կապիտուլյացիոն փաստաթուղթը, որը շատ ծանր կնստի մեր վրա։
Սրանք ամեն ինչ անելու են, որ մեր պետությունը տանեն վերջնական կազմաքանդման. պատահական չէ տիկին Գայանեի հետ կատարված դեպքը, որով ցանկանում են ցույց տալ, որ իրենք անպատժելի են»,-ասաց նա։
Քաղաքագետ Էդգար Էլբակյան էլ բացասական գնահատելով իրավիճակը, նշեց, որ առավել կարևոր է հանրությանը ներկայացնել տիրող իրավիճակի հիմնական միտքը.
«Եթե այս ամենը մեզ համար սահմռկեցուցիչ է, ապա իշխող կառավարության համար լրիվ նորմալ է և օրինաչափ, քանի որ այս մարդիկ նախքան պատերազմը, նպատակ էին դրել ոչնչացնելու հերոսի կերպարը մեր հանրային հիշողության միջից։ Պատերազմը պարտվում են ոչ թե մարտի դաշտում, այլ այն պահին , երբ հայտարարվում է, որ պատերազմում զոհվածը զոհվել է հանուն ոչնչի»։
Նրա մեկնաբանմամբ, հերոսածին կնոջ հանդեպ սոցցանցերում տիրող ատելության մթնոլորտը ևս ուղղորդվող է։
«Մեր դեմ հայտարարված է լիակատար պատերազմ, սա միայն տիկին Գայանեի հարցը չէ։
Մեր ամեն հաջորդ օրը մենք պիտի անցկացնենք պրոակտիվ. այս պահին մենք աշխատում ենք ռեակտիվ՝ արձագանքելով այս թուրքական իշխանությանը, սակայն ցանկացած կռվի մեջ հաղթելու ավելի մեծ շանս ունի նախաձեռնողական լինողը»,-ասաց նա։
Լրագրողի այն հարցին, թե ի՞նչ պետք է ակնկալել այսօրվա ասուլիսից, վերջինս պատասխանեց.
«Նույն բաներն են ասելու, եթե թղթի կտոր էլ ստորագրվի, այդտեղ էլ գրելու են ոչ թե Արցախը՝ Ադրբեջանի մաս, այլ ներկայացնելու են պտտելով, այլաբանակա թվեր գրելով՝ ժողովրդի մեջ զանգվածային ցասում չառաջացնելու համար։
Այստեղ ԶԼՄ-ները կարևոր անելիք ունեն, պետք է հանրությանը հասցնել, որ 86.600 նշանակում է Արցախի ողջ տարածքը ճանաչել է Ադրբեջանի մաս»։
Քաղաքագետի գնահատմամբ, հարցի լուծումը բացառապես Երևանում է. «Անգամ պրոհայկականությամբ չփայլող աշխարհի խաղացողներն են փակ դռների հետևում խոստովանում, որ ձեր ղեկավարն է համաձայնել կարգավիճակի հարց չքննարկել և Արցախը դիտարկել որպես Ադրբեջանի մաս»,-ասաց նա։
Դաշնակցական Տարոն Մանուկյանն էլ Գայանե Հակոբյանի կալանավորումը որակեց ոչ միայն ոչ իրավական և անտրամաբանական, այլև ոչ բարոյական.
«Սա բարոյական օրենքներից զուրկ մարդու որոշում է։ Այստեղ հավաքված են այն մարդիկ, ովքեր հյարենիքին տվել են ամենաթանկը ու յուրաքնաչյուրիս պարտքն է սատար կանգնել նրանց և մեր հայրենիքի երբեմնի փառքը վերականգնել»։
Հարակից հրապարակումներ`
- «Ի հակադրություն Գայանեի ընտանիքի՝ մենք տեսնում ենք մեկ այլ ընտանիք, որը կործանում է ոչ միայն Հայաստանի, այլև սեփական երեխաների ապագան»
- Իրենք խրախճանքի մեջ են գտնվում, որ Գայանեն կալանավորված է. Արա Ռոստոմյան
- Փաստաբան. Տիկին Գայանեի վերաքննիչ բողոքը մուտք ենք անում դատարան
- Մայր Աթոռն իր խոր մտահոգությունն է արտահայտում որդեկորույս ծնող Գայանե Հակոբյանի նկատմամբ կալանք կիրառելու առնչությամբ
- Զոհված զինծառայողների ծնողները երդվել են՝ «Եռաբլուր» չեն գնա, մինչև Գայանե Հակոբյանն իրենց հետ չլինի
- Ի՞նչ է արել զոհվածի մայր Գայանեն, 5000 տղու գլուխ է կերե՞լ. Զոհված կապտանի այրի
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան