![](https://panorama.am/news_images/947/2839719_1/capture.thumb.jpg)
Զոհվածի հայր. Մտավորականների, գիտնականների լռությունը տարակուսելի և անընդունելի է
Իշխանական որևէ մարմին որևէ կերպ չի արձագանքել Արցախյան երրորդ պատերազմում զոհված զինծառայողների հարազատների պահանջին՝ ազատ արձակել 44-օրյա պատերազմում զոհված զինծառայող Ժորա Մատիրոսյանի մորը՝ Գայանե Հակոբյանին, ով Աշոտ Փաշինյանի «առևանգման գործով» մեկ ամսով կալանավորվել է։ Ի նշան բողոքի՝ զոհված զինծառայողների հարազատները մայիսի 20-ից անժամկետ նստացույց են անում կառավարության դիմաց։
«Մեր արդար պահանջը նորից լսելու համար մեզ հետ կապ հաստատելու որևէ փորձ չի եղել»,- կառավարության դիմաց լրագրողներին ասաց 44-օրյա պատերազմում զոհված կրտսեր սերժանտ Հայկազ Մկրտչյանի հայրը՝ Զավեն Մկրտչյանը։
Նա նշեց, որ իրենք հնչեցնում են արդար պահանջ, ցանկանում են, որ հասարակության բոլոր շերտերը լսեն ու միանան իրենց պահանջին։
«Ես գտնում եմ, որ բոլորն են պարտք կոնկրետ Գայանեին, որ հիմա նա ցավերի, տառապանքների մեջ է, իր որդու կյանքը զոհաբերել է հանուն բոլորիս, ըստ այդմ՝ բոլորս ենք պարտք Գայանեին։ Հերոսի մայրն անհիմն կալանավորել է, դա սրբապղծություն է։ Բոլոր մարդիկ, այն մարդիկ, ովքեր իրենց մեջ թասիբ, նամուս ունեն, պետք է ոտքի կանգնեն, բոլորը բարձրաձայնեն»,- ասաց Զ.Մկրտչյանը։
Նա դիմեց մտավորականներին, գիտնականներին. «Նրանց լռությունը տարակուսելի է, անընդունելի է։ Իրենց ստեղծագործություններում ոգեշնչել են հայրենասիրություն։ Չեմ ընդունում իրենց հանդուրժողականությանն այս անարդարությանը»։
Նրանց լռության պատճառը, ըստ նրա, արժեհամակարգի փոփոխությունն է։
«Կալանավորելով Գայանեին՝ կալանավորվել է մեր արժեհամակարգը։ Եթե ինչ որ մի բան այս իշխանության դուրը չի գալիս, փորձում է վրեժխնդիր լինել, ցույց տալ իր ուժեղությունը, բայց դա թուլություն նշան է»,- ասաց Զ. Մկրտչյանը։
Հարակից հրապարակումներ`
- Աստղ Գալեյան. Մեր երեխաների արյունը չի վաճառվում
- Զոհված զինծառայողների ծնողները երկրորդ գիշերն են անցկացրել կառավարության շենքի դիմաց
- «Որդիների կանչ» ՀԿ. Բոլոր քաղաքացիներին կոչ ենք անում մայիսի 22-ին ժամը 9:00-ից միանալ մեզ
- Չնայած հորդ անձրևին, զոհվածների ծնողները շարունակում են բողոքի ակցիան
- Ստեփանակերտում զոհված զինծառայողների ծնողներն ակցիա են անում՝ ի աջակցություն Երևանում կալանավորված Գայանե Հակոբյանի
- Զոհված զինծառայողների ծնողները գիշերել են կառավարության շենքի մոտ
- Զոհված զինծառայողների ծնողները փողոցներ են փակել
- Զոհված զինծառայողների ծնողները հասնում են կառավարության շենք, որը շրջապատված է ոստիկանական մեծաթիվ ուժերով
- Նիկոլ, այն աշխարհից քեզ վռնդել են, դու այն աշխարհում էլ տեղ չունես.Զոհվածների ծնողները ԲԴԽ-ի դիմաց են
- «Հայաստանում արդեն հերոսածին ծնողի են դատում». զոհվածների հարազատները դիմում են դեսպաններին
- Նահատակված ծնողի վրա ձայն բարձրացնողը, հրմշտողն ու թաթ գցողը վտանգավոր թափոն է․ Տիգրան Աբրահամյան
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան