Ձեր վստահելի աղբյուրը

«Աշոտ Փաշինյանի այնտեղ հայտնվելը կանխամտածված, նախապես պլանավորված արարք էր»,- կառավարության մոտ լրագրողներին ասաց Արցախյան երրորդ պատերազմում զոհված Մխիթար Գալեյանի մայրը՝ Աստղ Գալեյանը, ով պատերազմում զոհված այլ զինծառայողների հարազատների հետ մայիսի 20-ից անժամկետ նստացույց են անում՝ պահանջելով ազատ արձակել զոհված զինծառայող Ժորա Մարտիրոսյանի մորը՝ Գայանե Հակոբյանին, ով կալանավորվել է մեկ ամսով Աշոտ Փաշինյանի «առևանգման գործով»։

«Նրանք գիտեին, որ մենք վրդովված ծնողներ ենք, Աշոտիկին բերեցին ու ուղիղ իջացրեցին մեր մեջ՝ մտածելով, որ  հնարավոր չէ ծնողը մի բառ չասի Աշոտիկին։ Իրենք էին բերել։

Նրա այնտեղ հայտնվելը պատահական չէր, կանխամտածված քայլ էր մեր պայքարը ճնշելու համար։ Գայանեն քաղբանտարկյալ է»,- ասաց Ա. Գալեյանը։

Հացին՝  չե՞ն կարծում, որ «Որդիների կանչ» ՀԿ-ն փոխեց պայքարի իր ձևը, սա պայքարը ճնշելու միջոց է, նա պատասխանեց. «Կարծում ենք։ Մենք ասուլիսի ժամանակ ասել ենք՝ մենք քաղաքացիական ու քաղաքական  պայքար ենք տանելու՝ առաջ բերելով այն քաղաքական ուժերին, որոնք կգան, մենք էլ որպես  Հայաստանի քաղաքացիներ՝ կմիանանք, իրենց հետ համատեղ կշարունակենք պայքարը։ Մեզ իշխանություն պետք չէ, մեր երեխաների վրեժն ենք ուզում լուծել, պատասխան տան մեր երեխաների թափած  մեկ կաթիլ արյան համար»։

Զոհվածի մայրը նաև նշեց, որ իրենց երեխաների այս իշխանությունների քաղաքական խաղերի զոհ են դարձել։