Ձեր վստահելի աղբյուրը

«2022 թվականին 2021 թվականի պետական բյուջեի վերաբերյալ կատարվել է 72 հաշվեքննություն՝ 18 պետական մարմիններում, որը ծածկել է պետական բյուջեից ծախսային մասի 91.1%-ը»,-ԱԺ-ում հայտարարեց Ատոմ Ձանջուղազյանը՝ ներկայացնելով Հաշվեքննիչ պալատի 2022 թվականի գործունեության հաշվետվությունը:

Նա ասաց, որ հաշվեքննությունների արդյունքում գնահատվել է, որ բոլոր էական առումներով պետական բյուջեից կատարողականը ճշմարիտ է ներկայացնում մուտքերի չևավորման և ելքերի իրականացման կանոնակարգված գործունեությունը:

Դրական եզրակացույթւոնը ներկայացնելուց անմիջապես հետո Ջանջուղազյանն ասաց. «Ավելորդ չեմ համարում նկատելը, որ ողջամիտ հավաստիացումը, կամ բարձր մակարդակի հավաստիացումը չի երաշխավորում, որ օրենքի և աուդիտի միջազգային մարմինների բարձրագույն  ստանդարտների հիման վրա մշակած մեթոդաբանություններին, ուղեցույցներին և այլ փաստաթղթերին համապատասխան իրականացված հաշվեքննությունը միշտ չէ որ հայտնաբերում է էական խեղաթյուրումը, երբ այն առկա է

Նա հայտնեց որ, Հաշվեքննիչ պալատը օրենքով սահմանված գործունեության ուղղություններով ընդունվել է 269 որոշում, 2 որշում կկայացվի 2023 թ:

Ջանջուղազյանը տեղեկացրեց, որ ուսումնասիրություններով 6 քրեական վարույթ է հարուցվել, որից միայն մեկն է պալատի դիմումի հիման վրա եղել, մնացածը իրավապահ մարմիններն իրենք են նախաձեռնել: