Ձեր վստահելի աղբյուրը

 «Դուք և Մնացական Մարտիրոսյանը նախորդ իշխանությունների ժամանակ եք նշանակցել դատավորներ և, կարող եմ ասել, որ դա նախորդ իշխանությունների մեծագույն սխալներից մեկն է, որ մեզ  պարգևել են ձեր նման դատավորներ»,- Ազգային ժողովում Վճռաբեկ դատարանի  հակակոռուպցիոն պալատի կոռուպցիոն հանցագործությունների  քննության դատական կազմի դատավորի թափուր տեղի համար վերաքննիչ քրեական դատարանի դատավոր Արմեն Դանիելյանի թեկնածության քննարկմանն ասաց «Հայաստան» խմբակցության պատագամավոր Ագնեսա Խամոյանը։ 

Նա նշեց, որ Արմեն Դանիելյանն իր կենսագությունն այնպես էր ներկայացնում, «քիչ էր մնում աչքերն արցունքներով լցվեին»։

«Այնպես էիք ներկայացնում, կարծեք, մենք Հայաստանում չենք ապրում, մասնագիտական հանրույթի, փաստաբանների, ձեր գործընկերների հետ չենք շփվում, ծանոթ չենք ձեր 20 տարվա գործունեությանը։ Այնպիսիս գովեստի խոսքեր եք հնչեցնում ձեր հասցեին։

Ով օրվա իշխանություն է, փորձում եք հարմարվել այդ օրվա իշխանություններին։

Հավասարաչափ ասում եմ՝ նախորդ իշխանությունների ժամանակ էլ էիք փորձում  այդ օրվա իշխանություններին հաճոյանալ, այս իշխանություններին եք  հիմա փորձում հաճոյանալ, ինչի պետք է ձեզ, ինչեպս դուք ասացիք,  նման բարձր պաշտոնի ընտրենք, ձեր ո՞ր արժանիքի համար։  Ձեր ո՞ր արժանիքի համար դուք պետք է ընտրվեք»,- հարցրեց Ա. Խամոյանը։

Արմեն Դանիելյանն ասաց, որ իր ելույթում ներկայացրել է այն պատճառները, թե ինչու է հավակնում այդ պաշտոնին։