Ձեր վստահելի աղբյուրը

«Հայտարարում եմ իմ լիակատար աջակցությունը Նիկոլ Փաշինյանի կողմից իրականացվող քաղաքականությանը, այդ թվում՝ նաև խաղաղության օրակարգն իր ավարտին հասցնելու ձգտումներին»,-հիշեցնելով, որ ԱԺ 4 գումարման պատգամավոր է և կուսակցության նախագահ՝ ԱԺ-ում հայտարարեց ՔՊ-ական պատգամավոր Գուրգեն Արսենյանը:

Նա հայտնեց, որ երկու ձեռքով պաշտպանելու է խաղաղության օրակարգը և Ադրբեջանի հետ փոխադրաձ տարածքային ամբողջականությունը:

«Մենք վճռական ենք, մեր անունից, հայ ժողովրդի անունից, ՀՀ-ի անունից ավարտին հասցնել ՀՀ-Ադրբեջան հարաբերությունների խաղաղության գործընթացը, ինչպես նաև Թուրքիայի հետ հարաբերությունների կարգավորումը, որը համարում եմ մեր քաղաքական թիմի կարևորագույն առաքելությունը ՀՀ ժողովրդի առջև»,-ասաց Արսենյանը և հավելեց. «Ես որպես ՀՀ պատգամավոր, առաջնորդվում են Հայաստանի պետական շահերի սպասարկմամբ, այն մեր առաջնային խնդիրեն է: Մնացածը ՀՀ-ի կենսագործունեության և անվտանգության բաղադրիչներ են: Ով կպնդի, որ ՀՀ շահերը պետք է ստորադասվի օրակարգի որևէ այլ հարցի լուծմանը, իմ կարծիքով, իրականացնում է հակապետական գործունեություն»:

ՔՊ-ական պատգամավորը հայտարարեց, որ Արցախում էլ, Ջավախքում էլ, Բեյրութում ու Ավստրալիայում էլ ապրում են հայեր, բայց ինքը ներկայացնում է ՀՀ շահերը:

Անդրադառնալով ԱՀ նախագահ Արայիկ Հարությունյանի հայտարարությանը՝ Արսենյանը հայտնեց, որ այն արցախցիների իրավունքն է ու դիրքորոշումը:

ՔՊ նախընտրական ծրագրում Շուշիի և Հադրութի դեօկուպացիայի խոստման մասին խոսելիս Արսենյանը հայտնեց, որ այն այդ պահին իրենց ցանկությունն էր և բանակցություններում փորձում են առաջ տանել արցախցիների իրավունքի հարցը, իսկ այսօր իրականությունն այլ է: