Ձեր վստահելի աղբյուրը

«Անկլավների թեման քաղաքական մակարդակում գոյություն է ունեցել միշտ ու շատ վաղուց»,-Ազգային ժողովում կառավարության հետ հարոցուպատասխանի ժամանակ ասաց Նիկոլ Փաշինյանը։

Նա օրինակի համար ասաց, որ 1999թ. տարածքների փոխանակման փաստաթղթի մեջ Հայաստանի ու Ադրբեջանի անկլավների մասին հոդված կա:

«Հարցը քաղաքական և իրավական կողմ ունի։

Քաղաքական մակարդակում Մյունխենում, Բրյուսելում եղել է  հետևյալ խոսակցություն. մենք փոխադարձաբար  ճանաչո՞ւմ ենք անկալվների գոյությունը։ Այսինքն, կա Արծվաշեն, որը պատկանում է, պատկանել է Հայաստանի Հանրապետությանը և կան անկալվներ, որոնք  հիմա Հայաստանի տարածքում են, որոնք պատկանել են Ադրբեջանին։ Այո։ Քաղաքական մակարդակում դա մենք ճանաչում ենք։ Ասել եմ, որ իրավական մակարդակում մենք լրացուցիչ հարցեր ունենք։

Հիմա, երբ արձանագրում ենք, որ Հայաստանն ու Ադրբեջանը փոխադարձաբար ճանաչում են միմյանց 29,8 հազար և 86,6  հազար  քառակուսի կիլոմետր տարածքային
ամբողջականությունները,  հարց է ծագում՝ բա այս հարցը։

Լուծման երկու տարբերակ կա. որը սահմանից այն կողմ է, մնում է  սահմանից այն կողմ գտնվող երկրի տարածքում, որը սահմանից այս կողմ է, գտնվում է  սահմանից այս կողմ գտնվող երկրի տարածքում։

Կամ եթե կողմերից մեկը չի ուզում... Օրինակ սա էլ է հարց։ Պատկերացնում ենք՝ մենք գնանք, ասենք, չենք ուզում Արծվաշենը, մյուսները թող մնան մեր տարածքում։ Ենթադրենք։ Բայց այստեղ էլ իրավական հարցեր, նրբություններ կան, որոնք պարզ չեն»,- ասաց Փաշինյանը։

Նա ընդգծեց, որ որևէ  բան որոշված չէ, կան քննարկումներ և, իր պատկերացմամբ, սա քննարկումների  գոնե այն կետն է, որտեղ ճկունության  մեծ տեղ կա։

«Խաղաղության պայմանագրի նախագծում մենք ունենք հոդվածներ, որոնց շուրջ կա համաձայնեցում, կան հոդվածներ, որոնք շուրջ դեռևս չկա։ Այդ թեմայի վերաբերյալ որևէ վերջնական համաձայնեցում չկան, կան մտքեր, որոնցից որևէ մեկը մերժված չէ»,- ասաց Ն. Փաշինյանը։

Մանրամասն՝ տեսանյութում։