Ձեր վստահելի աղբյուրը

«Ես այդ հարցին կպատասխանեի, եթե քիչ թե շատ ներկայություն ունենայի, իմ շփումները նվազագույնի են, իմ տարիքն է այդպիսին»,- լրագրողների հետ հանդիպմանն ասաց կոմպոզիտոր Տիգրան Մանսուրյանը՝ պատասխանելով Panorama.am-ի հարցին, որ այսօր շատերն են մեղադրում մտավորականությանը, որ երկրի համար ծանր պահերին նրանք լուռ են, ինչպե՞ս պետք է մտավորականներն իրենց բողոքը հայտնեն ստեղծված իրավիճակում, եթե, իհարկե, ունեն բողոք։  

Մաեստրոն իր խոսքում ասաց. «Ես առհասարակ լսում եմ տարբեր մարդկանց, չեմ տեսնում այն իրար բերող, ամբողջացնող ուժը կամ միտքը կամ ծրագիրը, որ հավաքող լիներ, ոչ թե նորից առանձին ձայների տարածք։ Բոլորի պարագայում է այդպես՝ մտավորական կամ ոչ մտավորական, և սա երևում է  լուրջ հիմքեր ունի մեզանում և պետք է շարունակվի»։

Պատասխանելով մեկ այլ հարցի, թե 30 տարի անց Հայաստանն ինչպե՞ս է տեսնում, Տիգրան Մանսուրյանն ասաց. «Այն իրականությունը, որ ստեղծեց Չարենցի «Երկիր Նաիրին», այդ իրականությունը պատմական մի հսկա տարածք է և ի վերջո մի տեսակ շարունակվում է։ Չարենց, «Երկիր Նաիրի»»։