Ձեր վստահելի աղբյուրը

Կիևը պաշտոնապես Բեռլինից խնդրել է հեռահար Taurus թևավոր հրթիռներ, որոնք կարող են հասնել Մոսկվա: «ՌԻԱ նովոստի»-ի փոխանցմամբ, այդ մասին գրել է Frankfurter Allgemeine Zeitung թերթը՝ հղում անելով աղբյուրներին։

«Նախագահ Վլադիմիր Զելենսկին այդ մասին (հրթիռների փոխանցման մասին) արդեն խոսել է կանցլեր Օլաֆ Շոլցի հետ՝ մայիսի սկզբին Բեռլին կատարած այցի ժամանակ։ Կանցլերի ներկայացուցիչը չի ցանկանում մեկնաբանել դա, սակայն Պաշտպանության դաշնային նախարարությունը հաստատում է, որ Ուկրաինան խնդրել է Taurus »,-ասվում է հրապարակման մեջ։

Պարբերականը նշում է, որ հրթիռները կարող են տեղադրվել F-16 կործանիչներին, որոնք Արևմուտքը նախապես խոստացել էր տեղափոխել Կիև։ Այնուամենայնիվ, հաշվի առնելով Taurus հրթիռների բնութագրերն ու հեռահարությունը, Բեռլինը կանգնած է կարևոր երկընտրանքի առաջ.

«Ոչ բոլորն են հավատում, որ Ուկրաինան խելամտորեն կօգտագործի Taurus-ի նման զենքերը: Գերմանական թևավոր հրթիռը կարող է թռչել 500 կիլոմետր: Այսպիսով, Ուկրաինայի սահմանից այն կարող է հասնել Մոսկվա: Ուստի ոմանք վախենում են, որ հրատապ անհրաժեշտության դեպքում Կիևը կարող է անվերահսկելի պատերազմ սաստկացնել»,-ասվում է գրառման մեջ։