Ձեր վստահելի աղբյուրը

Տիգրան Մեծ 13 հասցեի բնակիչներն այսօր բողոքի ակցիա են իրականացնում՝ մեղադրելով «Սիթի սենթր» ընկերությանն իրենց խաբելու համար։

Բնակիչներից մեկը, որ 16 բնակարանի բնակիչն է, մանրամասնեց, դեռ 2010-ին պայմանագիր են կնքել, որ իրենց տարածքի դիմաց իրենց երկու բնակարան են տրամադրելու նորակառույց շենքում։ Ըստ պայմանգրի, շենքը շահագործման հանձնվեր 3 տարվա ընթացքում, սակայն կառուցումը ձգձգվել է։

Այս օրերին կառուցվող շենքում բնակարանների ձեռք բերման պայմանագիր ունեցող քաղաքացիները հայտնաբերլ են, որ բնակարան իրենց չի հասնելու, բոլորը վաճառել են։ Ի պատասխան պայմանագրի առկայության մասին հիշեցումների՝ կառուցապատողն արձագանքել է, դատի տվեք։

«Հյուսիսային պողոտա 2» են անում, մեր բնակարանները վերցրել են ու ասում են՝ տուն չունեք, ծախել ենք։ Մեզ ոգևորեցին, որ պայմանագիր կնքենք, կնքեցինք, հիմա մեզ էս օրն են գցում։ Տեսնում ենք, որ շենքը ակտիվ կառուցում են, ուրախանում ենք, մեկ էլ մեզ ասում են, որ դուք այտեղ բնական չունեք, լոտը ծախել են։ Բայց ո՞նց եք ծախել, մեր հարցերն առանց լուծելու, առանց մեր համաձայնության։ Ստացվում է, որ մի բնակարանը վաճառում են մի քանի հոգու վրա»,-ասաց նա՝ ավելացնելով, որ տարիներ շարունակ ընտանիքի հետ վարձով է ապրում։

Բնակիչներն ասում են, 33-րդ թաղամասում մի խայտառակ վիճակ է։  Նշենք, որ Երևանի 33-րդ թաղամասն ընդգրկում է  Խանջյան, Ֆիրդուսի փողոցների, Հանրապետության նրբանցքի, Տիգրան Մեծ պողոտայի հատվածներ։