![](https://panorama.am/news_images/949/2844038_1/download_2.thumb.png)
Ռադան հաստատել է Իրանի դեմ 50 տարի ժամկետով պատժամիջոցներ սահմանելու մասին որոշումը
Ուկրաինայի Գերագույն հաստատել է Կիևի կողմից Իրանի դեմ 50 տարի ժամկետով պատժամիջոցներ սահմանելու մասին որոշումը։ Այս մասին հայտարարել է պատգամավոր Յարոսլավ Ժելեզնյակը, գրում է ՏԱՍՍ-ը։
Նա նշել է, որ համապատասխան որոշմանը կողմ է քվեարկել 328 պատգամավոր։
Մայիսի 28-ին Ուկրաինայի նախագահ Վլադիմիր Զելենսկին Գերագույն Ռադա է ներկայացրել Ազգային անվտանգության և պաշտպանության խորհրդի որոշումը, ըստ որի Կիևը 50 տարի ժամկետով պատժամիջոցներ է սահմանելու Իրանի դեմ։ Քանի որ սահմանափակող միջոցներն ազդում են այն ասպեկտների վրա, որոնք կարգավորվում են նաև Ուկրաինայի օրենքներով, որոշումը պետք է հաստատեր խորհրդարանը։
Պատժամիջոցները նախատեսում են Իրանի հետ առևտրային գործողությունների լիակատար արգելք, Թեհրանի հետ տնտեսական հարաբերությունների խզում։ Արգելվել է նաև իրանական ապրանքների տարանցումը Ուկրաինայի ցամաքային և օդային տարածքներով։ Բացի այդ, Ուկրաինայում չեն սպասարկվի Իրանի քաղաքացիների էլեկտրոնային վճարումները։
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան