Ձեր վստահելի աղբյուրը

«Նեմեսիս» գործողության հերոսների հիշատակը հավերժացնող աղբյուր-հուշակոթողի մոտ 13 օր շարունակ  ի պաշտպանություն Արցախի շրջափակման մեջ գտնվող 120 հազար քաղաքացիների նստացույց անող եզդի իրավապաշտպան, «Հանուն ժողովրդի բարեկեցության» ՀԿ նախագաh Այսեր Իսայանն այսօր դադարեցրեց նստացույցը։ 

Լրագրողներին նա ասաց, որ իր պահանջն ուղղված էր ոչ թե տեղի իշխանություններին, այլ ամբողջ աշխարհին, սուտ ու կեղծ մարդասիրությանը, խուլ ու կույր արդարադատությանը։ Ա. Իսայանի խոսքով, արցախահայությունն այսօր փաստացի գտնվում է  Ադրբեջանի կողմից կալանավորի կարգավիճակում միջազգային հանրության թողտվությամբ, բայց հայ ժողովուրդն անտարբեր չէ Արցախի ճակատագրի հանդեպ։

«Ես դրանում համոզվեցի։ Նստացույցի ընթացքում ինձ այցելել են 44–օրյա պատերազմում զոհված, անhետ կորած զինծառայողների ծնողներ, նախկին պաշտոնյաներ, ուսանողներ, դասախոսներ։ Հասկացա, որ կարող ենք համախմվել հանուն Արցախի ու Արցախի ժողովրդի փրկության։ Նեմեսիս գործողությունը պետք է լինի շարունակական»,- ասաց Այսեր Իսայանը։