![](https://panorama.am/news_images/949/2844699_1/51_thumb_v1.thumb.jpg)
Արմեն Չարչյանն այս պահին ցուցմունք է տալիս
Փաստաբան Էրիկ Ալեքսանյանը տեղեկացնում է.
«Արմեն Չարչյանն այս պահին ցուցմունք է տալիս։ Ներկայացնում եմ ստորեւ ցուցմունքից մի հատված.
«Շուրջ 5 ամիս ես գտնվեցի կալանքի տակ և նույնքան ժամանակ պահանջվեց, որ ես փոքր ինչ վերականգնեմ կալանավայրում խաթարված առողջությունս և շարունակեմ կյանք և առողջություն պարգևել ժողովրդիս:
10 ամսվա ընթացքում ես կանեի մոտ 200 վիրահատություն և մոտ 4000 խորհրդատվություն և բուժում, որոնք ցավոք չարվեցին: Սա է այս գործընթացի «հանրային հասարակական արժեքը», իհարկե խիստ բացասական նշանով»։
Նշենք, որ մեկնարկել է պրոֆեսոր Արմեն Չարչյանի գործով հերթական դատական նիստը, որի շրջանակներում Արմեն Չարչյանը ցուցմունք է տալիս մեղադրանքի առնչությամբ։
Արմեն Չարչյանին մեղադրանք է առաջադրվել այն բանի համար, որ նա հանդիսանալով «Իզմիրյան» բժշկական կենտրոն»՚ ՓԲԸ գործադիր տնօրեն, օգտագործելով նույն բժշկական կենտրոնի աշխատակիցների՝ իրենց ծառայողական կախվածության հանգամանքը, վերջիններիս հարկադրել է մասնակցել 2021թ. հունիսի 20-ին կայանալիք ՀՀ Ազգային ժողովի արտահերթ ընտրություններին, չքվեարկել «Քաղաքացիական պայմանագիր» կուսակցության օգտին, այլ քվեարկել «Հայաստան» դաշինքի օգտին:
Հիշեցնենք նաև, որ այս տարվա փետրվարի 9-ին Ազգային ժողովը գաղտնի քվեարկությամբ համաձայնություն է տվել Ազգային ժողովի «Հայաստան» խմբակցության պատգամավոր Արմեն Չարչյանի նկատմամբ քրեական հետապնդում հարուցելու մասին ՀՀ գլխավոր դատախազ Աննա Վարդապետյանի միջնորդագրին: Փակ գաղտնի քվեարկությունը ԱԺ 107 պատգամավորից մասնակցել է 68-ը։ Մեկ քվեաթերթիկ ճանաչվել է անվավեր, 67-ը կողմ է քվեարկել։ Միջնորդության քննությանը ԱԺ ընդդիմադիր «Հայաստան» և «Պատիվ ունեմ» խմբակցությունները չեն մասնակցել։
Արմեն Չարչյանին ներկայացված է մեղադրանք ակնհայտ կեղծ եզրակացություն տալու համար: Ա. Չարչյանը չի ընդունել մեղադրանքը՝ որակելով այն ակնհայտ անհիմն ու անօրինական»։
Հարակից հրապարակումներ`
- Փաստաբան. Չարչյանի գործով նման բովանդակությամբ ցուցմունքներ տվել են բոլոր վկաները
- Արմեն Չարչյանին ներկայացված նոր մեղադրանքով նախաքննությունն ավարտվել է. Ալեքսանյան
- Արմեն Չարչյանին ներկայացվել է մեղադրանք
- Արմեն Չարչյանի նկատմամբ քրեական հետապնդում կհարուցվի
- ԱԺ-ում ներկայացվեց Արմեն Չարչյանի նկատմամբ հանրային քրեական հետապնդում հարուցելու համաձայնություն տալու մասին միջնորդագիրը
Լրահոս
Տեսանյութեր
![Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան](https://panorama.am/video_images/17/50811_1/mela_6760_thumb_v1_thumb_v1_thumb.thumb.jpg)
Թուրքիան ու Ադրբեջանն այլևս միասնական իրողություն են դրանից բխող բոլոր հետևանքներով. Մելքոնյան