Փաշինյան. Հայաստանի ժողովրդավարությանը սպառնացող վտանգներն արտաքին են
«Ուզում եմ արձանագրել, որ Հայաստանի Հանրապետությունում համացանցը ազատ է, մամուլը ազատ է, ընտրությունները ազատ են։ Սա չեմ ուզում ընդգծել որպես նվաճում կամ ձեռքբերում, այլ որպես առօրեականություն, որը մեր բոլորի համատեղ աշխատանքի արդյունք է»,-Ժողովրդավարության հայկական ֆորումի ընթացքում ասաց Նիկոլ Փաշինյանը։
Միջոցառումը կազմակերպվել է Freedom house իրավապաշտպան կազմակերպության ու «Իրազեկ քաղաքացիների միավորում» ՀԿ-ի ջանքերով։ Այն անցկավում է երկրորդ տարին անընդմեջ։
Փաշինյանի խոսքով, ժողովրդավարությունը Հայաստանի հիմնական բրենդն է։
«Սա մեր համոզմունքն է, ռազմավարությունն է, և դա ամենևին էլ հանգամանքների բերում տեղի ունեցած պատահականությունների արդյունք չէ, սա գիտակցված քաղաքական կուրս է»,-նշեց նա՝ ավելացնելով, որ այս առումով բարեփոխումներն ընթացքի մեջ են։
Կառավարության ղեկավարի պաշտոնը զբաղեցնողը նշեց, որ Հայաստանը վայելում է ազատությունների արդյունքը, այն տնտեսական աճը, որ ունենք, տնտեսական ազատությունների արդյունք է։
«Հայաստանում ժողովրդավարությանը սպառնացող ոչ մի ներքին վտանգ չկա, ես սրանում համոզված եմ։ Հայաստանի Հանրապետության ժողովրդավարությանը նպաստող բոլոր հնարավոր վտանգներն արտաքին են, և դրանք հանրահայտ են ու բոլորին տեսանելի»,-ասաց նա։
Անդադառնալով հարցին, թե ժողովրդավարությունը ի վիճակի՞ է ապահովել նաև անվտանգությունը, Փաշինյանն ասաց՝ սա հարց է, որի դրական պատասխանին հավատում ենք, բայց դա նաև պետք է ապացուցել։
«Կարծում եմ, մենք դեռ ի վիճակի կլինենք այս հարցին դրական պատասխան տալ։ Ժողովրդավարությունը շարունակելու է լինել Հայաստանի առանցքային բրենդը, բայց հույս ունեմ, որ այն նաև հարակից ու աջակցող բրենդներ կունենա, որոնցից մեկը կլինը տնտեսական աճը, երրորդը՝ խաղաղությունը։ Այս եռամիասնությունն է, որ պիտի ծառայի բուն նպատակին, քանի որ ազատությունը գերնպատակ չէ, միջոց է՝ ապահովելու մարդու բարեկեցությունն ու երջանկությունը»,-ասաց նա։
Լրահոս
Տեսանյութեր
Հովհաննես Ավետիսյան. Ոստիկանությունը գտնվում է պատանդի կարգավիճակում
