Ձեր վստահելի աղբյուրը

«Համաձայնագրով նախատեսում է համագործակցություն ռազմական կրթության, պաշտպանական արդյունաբերության, ռազմական պատմության և թանգարանագիտության ոլորտներում»,-ԱԺ Պաշտպանության և անվտանգության հարցերի մշտական հանձնաժողովում հայտնեց  պաշտպանության նախարարի տեղակալ Արման Սարգսյանը՝ ներկայացնելով «Հայաստանի Հանրապետության կառավարության և Չեխիայի Հանրապետության կառավարության միջև ռազմատեխնիկական համագործակցության մասին» համաձայնագիրը վավերացնելու մասին օրենքի նախագիծը:

Նա տեղեկացրեց, որ համաձայնագիրը ստորագրվել  է 2019 թվականին և նրա վավերացումը իրավական հիմք է ստեղծում  ռազմատեխնիկական ոլորտում Կողմերի միջև ընդհանուր ստեղծված համագործակցության զարգացման և  խորացման համար:

Ըստ Սարգսյանի՝ համաձայնագիրը նախատեսում է համագործակցություն ուսումնական հաստատություններում մասնագետների և տեխնիկական անձնակազմի պատրաստում՝ հաշվի առնելով կողմերի պահանջարկները և հնարավորությունները, ինչպես նաև ռազմատեխնիկական համագործակցության այլ ուղղություններ:

Համաձայնագրի դրույթները կիրագործեն երկրների Պաշտպանության նախարարությունները , ինչպես նաև հայ-չեխական տնտեսական համագործակցության միջկառավարական հանձնաժողովի միջոցով, որի շրջանակներում կստեղծի ռազմատեխնիկական համագործակցության աշխատանքային խումբ, որի նիստերի անցկացման ժամկետները, կանոնակարգը և աշխատանքների կարգը կսահմանեն Կողմերի լիազոր մարմինները:

«Հայաստան» խմբակցության պատգամավոր Գեղամ Մանուկյանը հետաքրքրվեց, թե ինչու է համաձայնագիրը վավերացման ներկայացվում ստորագրումից 4 տարի անց:

Արման Սահակյանը հայտնեց, որ Չեխիայի խորհրդարանն էլ է ընթացիկ տարում միայն վավերացրել համաձայնագիրը և ուշացումը բացատրվում է քովիդով և 2020 թվականի պատերազմով: