Ձեր վստահելի աղբյուրը

«Քայլ առ քայլ մեզ փորձում են ներարկել մի գիտակցություն, որ մեր տեսակը չկա, որ մենք դեռ պետք է ապացուցենք, որ մենք գոյություն ունենք, որ մեզ ինչ-որ կադաստրի թուղթ է պետք»,- «Հայաքվե» նախաձեռնության «Հարցեր, պատասխաններ» քննարկման ժամանակ ասաց հասարակական-քաղաքական գործիչ Ավետիք Չալաբյանը։

Նա հիշեցրեց  Արգշիտիի սեպագիր արձանագրությունը, Բեհիստունյան արձանագրությունում հայերի հիշատակման մասին, ու անհասկանալի է այդքանից հետո «կադաստրի թղթի» մասին խոսակցությունը։

«Մենք այսօր եկել ենք մի հանգրվանի, երբ որ մեզանից փորձում են մեր հիմնարար իրավունքը խլել՝ մեր ազգային գոյության իրավունքը։ Մենք պետք է դրան հակադրվենք։  «Հայաքվեն» մենք սկսել ենք այդ նպատակով՝ հակադրվելու և վերահաստատելու մեր ազգային գոյության իրավունքը»,- ասաց Ա.Չալաբյանը։

Նա ընդգծեց՝ ապրում ենք մի իրավիճակում, երբ մեր սահմանադրական կարգի հիմքերը գրոհի են ենթարկվում ոչ միայն թշնամու կողմից, այլ նաև թշնամու կամակատարների կողմից մեր երկրի ներսում։