Ձեր վստահելի աղբյուրը

 Հայաստանի Դեմոկրատական կուսակցության հիմնադիր Արամ Գասպարի Սարգսյանն Ազատության հրապարակում «ՄԻԱՍԻՆ» շարժման հանրահավաքի ընթացքում հայտարարեց, որ մեր երկրին անհրաժեշտ է նոր  իշխանություն, որը կզբաղվի պետության ամրապնդմամբ, պաշտպանությամբ և Արցախի ազատագրման մասին։

«Այն իշխանությունը, որը թշնամուն թույլ չի տալու իրականացնել այն  նվաստացուցիչ քաղաքականությունը, որն այսօր կա։ Այն իշխանությունը , որը կհասկանա՝ միայն ազգի միաբանությամբ է հնարավոր այս  վիճակից դուրս բերել այաստանն ու Արցախը։ Այն իշխանությունը, որը չի կենտրոնացնելու մեկ մարդու ձեռքում ամբողջ  իշխանությունը ՝ թույլ տալով իրականացնել այն ինչ իր խելքին բրդում է»,- ասաց քաղաքական գործիչն ՝ ավելացնելով, որ նոր ձևավորվող կառավարությունը պետք է իրականացնի կարևոր քայլեր, ընդհուպ՝ վարչապետի լիազորությունների վերաբաշխում։

«Վարչապետ կոչվածի լիազորությունների մի մասը պետք է տեղափոխվի ապագա նախագահին, ոչ թե այսօրվա խեղկատակին, որը ոչ մի բան չի ներկայացնում իրենից։ Պետք է լինի նախագահ, որն ունի համապատասխան լիազորություններ՝ կադրային քաղաքականության հարցում , պետության ռազմավարության մշակման հարցում։ Նախագահական ինստիտունը պետք է ունենա այդպիսի իրավունք։ Այս պարագայում նա հակակշիռ կլինի նաև վարչապետին»,- ասաց Արամ Գասպարի Սարգսյանը։

Ավելի մանրամասն՝ տեսանյութում։