Համակարգային կոռուպցիան հիմա է, որովհետև ոչինչ չանելու դիմաց փրչա-քռչա և անգրագետ խումբը ստանում է միլիոններ. Գևորգ Պետրոսյան

Քաղաքական 14:40 12/06/2023 Հայաստան

Համակարգային կոռուպցիան հիմա է, որովհետև ոչինչ չանելու դիմաց փրչա-քռչա և անգրագետ խումբը ստանում է միլիոններ. Գևորգ Պետրոսյան

«Ես մասնագիտությամբ իրավաբան եմ, բայց այսօր կենդանաբանությամբ եմ զբաղվելու»,-այդ հայտարարությամբ «Հայելի» մամուլի ակումբում իր խոսքը սկսեց ԱԺ նախկին պատգամավոր Գևորգ Պետրոսյանը:

Բանախոսն անդրադարձավ Նիկոլ Փաշինյանի այն հայտարարությանը, թե ՀՀ-ն կադաստրի վկայական չունի:

«Փաստացի երկրի ղեկավարը հայտնում է, թե պետությունը կադաստրի վկայական չունի»,-ընդգծեց Պետրոսյանը և հայտնեց, որ Նիկոլ Փաշինյանն անգրագետ և և չգիտի, որ կադաստրի վկայական ունենում են իրավաբանական և ֆիզիկական անձինք:

Եզրակացնելով, որ նման հայտարարություններն անգործության հետևանք է, այն որակեց համակարգային կոռուպցիա:

«Սա է համակարգային կոռուպցիան, որ ոչինչ չանելու դիմաց փող են ստանում, ոչ թե 20 հազար դրամի համար գնան ինչ-որ սոցիալական ծառայության աշխատակցի կալանավորեն:

Համակարգային աննախադեպ կոռուպցիան հիմա է, որովհետև ոչինչ չանելու դիմաց փրչա-քռչա և անգրագետ խումբը ստանում է միլիոնների աշխատավարձ՝ հասարակ մարդկանց հաշվին»,-ասաց Գևորգ Պետրոսյանը և հիշեց, որ նման իրավիճակում երկրի վարչապետի գործն այն է, որ հայտարարի «եթե կովը ցրտադիմացկուն չէ, ուրեմն կով չէ»:

Բանախոսը հիշեց նաև Նիկոլ Փաշինյանի մեկ այլ արտահայտություն. «ՀՀ քաղաքացին պիտի և պարտավոր է լինել հպարտ և ուրեմն կեցցե ՀՀ-ն»:

«Սա նույնն է, թե գեշ աղջկան ասես՝ դու պետք է սիրուն լինես: Դու քաղաքացուն թողե՞լ ես, որ հպարտ լինի»,-ասաց Պետրոսյանը և բացատրեց, որ հպարտ կարող է լինել ապահովվածության զգացում ունեցողը, իսկ ՀՀ-ում նման մարդ չկա:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: