Արցախի ինքնորոշման իրավունքի համար պայքարը, հակառակ բոլոր դավաճանական գործողությունների, արդյունք ունենալու է. Գեղամ Մանուկյան

Քաղաքական 11:17 15/06/2023 Հայաստան

Արցախի ինքնորոշման իրավունքի համար պայքարը, հակառակ բոլոր դավաճանական գործողությունների, արդյունք ունենալու է. Գեղամ Մանուկյան

«Այսօր պատմական օր է, 1988 թվականի հունիսի 15-ին Երևանում ուսանողական երկարատև նստացույցերից, բողոքի ցույցերից հետո ՀՍՍՀ Գերագույն խորհուրդը պատմական որոշում կայացրեց և կողմ արտահայկտվեց ԼՂԻՄ-ի մարզխորհրդի պատգամավորների՝ ՀՍՍՀ կազմ ընգրկվելու փետրվարի 20-ի դիմումին»,-խորհրդարանում 2022թ բյուջեի կատարողականի քննարկման ժամանակ հայտարարեց «Հայաստան» խմբակցության պատգամավոր Գեղամ Մանուկյանը:

Վերջինս ամբիոնի մոտ կանգնած Հաշվեքննիչ պալատի նախագահ Ատոմ Ջանջուղազյանին հարցրեց, թե իր նման նա էլ այդ օրերին ուսանող է եղել և ի՞նչ զգացմունքներ է ունեցել այն ժամանակ:

Նիստը նախագահող Ալեն Սինոնյանը հիշեցրեց, որ ամբիոնի մոտ Հաշվեքննիչ պալատի նախագահն է:

Գեղամ Մանուկյանն արձագանքեց. «Պարոն Սիմոնյան, հենց էդ է, հաշվեքննություն է»:

Ատոմ Ջանջուղազյանը պատասխանեց, որ հիշում է այդ օրերը, ինքը սովուրում էր:

Գեղամ Մանուկյանը հիշեց, որ 1988 թվականի փետրվարից հետո խորհրդային զորքերը շրջափակել էին Ազատության հրապարակը և մի պահ բողոքի ձայն չկար, մինչև ԵՊՀ 220 լսարանում մայիսին կայացած ուսանողական հավաքից հետո որոշվեց նստացույց սկսել:

«Մի քանի տասնյակ ուսանողներ հավաքվեցին Թատերական հրապարակում և սկսվեց համաժողովրդական պայքարի վերազարթոնքը: Այդ նստացույցի մասնակիցներից շատ-շատերը նահատակվեցին Արցախի ազատության համար՝ նահատակվեց Թաթուլը Կրպեյան, Վարդանը Բախշյան, Մովսեսը Գորգիսյան… Նահատակվեցին, որ իրենց պայքարը դադար չունենա՝ հանուն Արցախի ազատության, ինքնորոշման իրավունքի և վստահ, այդ պայքարը, հակառակ բոլոր դավաճանական գործողությունների, արդյունք ունենալու է»:

Հարակից հրապարակումներ`

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: