Ձեր վստահելի աղբյուրը

Կառավարությունն այսօր չզեկուցվող նախագծերից մեկով ՀՀ պաշտպանության նախարարությանը  կառավարության 2023 թվականի պահուստային ֆոնդից հատկացրեց  41.2 մլն դրամ՝ 2020 թվականին հայտարարված ռազմական դրության և զորահավաքի շրջանակներում ռազմատրանսպորտային պարտականություն ունեցող մարմիններից ներգրավված տրանսպորտային միջոցներին ռազմական գործողությունների ժամանակ հասցված վնասը փոխհատուցելու համար:

Նախագծի հիմնավորման մեջ ասվում է. «2020 թվականին հայտարարված ռազմական դրության և զորահավաքի շրջանակներում ռազմատրանսպորտային պարտականություն ունեցող մարմիններից ներգրավվել են տրանսպորտային միջոցներ, որոնց ռազմական գործողությունների ժամանակ հասցվել է վնաս, վերը նշված օրենսդրական և ենթաօրենսդրական նորմատիվ իրավական ակտերին համապատասխան՝ ՀՀ վարչապետի 09.11.2021թ. N 1279-Ա որոշմամբ ստեղծված միջգերատեսչական հանձնաժողովի ութերորդ նիստի արձանագրությամբ, ֆիզիկական և իրավաբանական անձանցից ստացված դիմումների քննարկման և  պետական գույքի կառավարման կոմիտեի «Գույքի գնահատման և աճուրդի կենտրոն» ՊՈԱԿ-ի կողմից գնահատման արդյունքներով դրական եզրակացություն է կայացվել թվով 27 ֆիզիկական և իրավաբանական անձանց փոխհատուցում տրամադրելու վերաբերյալ՝ ընդհանուր 41,284.0 հազար դրամի չափով (27 տրանսպորտային միջոցներից 4-ը մնացել է հակառակորդի դաշտում և առկա չէ, 23-ը վնասված վիճակով վերադարձվել են սեփականատերերին և կարող են օգտագործվել նպատակային նշանակությանը համապատասխան): Միաժամանակ, անհրաժեշտություն է առաջացել համապատասխան գումարը

Որոշման նախագծի համաձայն հաստատվում են ռազմական դրության և զորահավաքի շրջանակներում ռազմատրանսպորտային պարտականություն ունեցող մարմիններից ներգրավված տրանսպորտային միջոցներին հասցված նյութական վնասի դիմաց այդ տրանսպորտային միջոցների սեփականատերեր հանդիսացող թվով 25 ֆիզիկական և իրավաբանական անձանց տրամադրվող փոխհատուցումների չափերը, նախատեսվում է  անհրաժեշտ գումարը ՀՀ կառավարության պահուստային ֆոնդից ՀՀ պաշտպանության նախարարությանը հատկացումը»: