Ձեր վստահելի աղբյուրը

Փաստաբան Արմինե Ֆանյանը հույս ունի՝ հեռուսատցույց նվեր ստանալուց հետո հանրապետության գլխավոր դատախազը կտեղեկանա փաստաբանների նկատմամբ իրականացվող բռնությունների դեպքերին։

«Չորս ամիս չի անցել երկու փաստաբանների նկատմամբ իրականացրած բռնությունից։ Բացի այն, որ քննությունը դանդաղ է ընթանում, որևէ արդյունք դեռ չկա ակնհայտ բռնության դեպքի վերաբերյալ, դեռ մի բան էլ ավելի դաժան, ավելի ընդգծված լկտիությամբ բռնություն է գործադրվում թե փաստաբանի, թե նրա վստահորդի նկատմամբ»,-դատախազության շենքի դիմաց իրականացվող ակցիայի ժամանակ ասաց Արմինե Ֆանյանը։

Անդադառնալով լրագրողի հարցին ի պատասխան գլխավոր դատախազ Աննա Վարդապետյանի այն հայտարարությանը, թե չի մտաբերում փաստաբանի նկատմամբ բռնության դեպք, փաստաբանը նկատեց, որ այս ակցիայից հետո գուցե մտաբերի։

«Իրավապաշտպան գործունեություն իրականացնող անձի նկատմամբ ոստիկանական բաժանմունքում բռնություն է կիրառվում այն էլ այդ տեսակ բիրտ ու լկտի կերպով»,-ասաց նա։