Ձեր վստահելի աղբյուրը

«Աֆղանաիրանական սահմանի լարվածությունից հետո Պակիստանի օդուժի միջոցով 5000 քուշտում-մոջահեդ, աֆղանական ահաբեկիչ է բերվել, որոնք տեղակայվել են Սանասարի, Կովսականի, Սիսիանի Իշխանասարի հետևի մասում և լուրջ լարվածություն կա»,-ասուլիսում հայտարարեց  պահեստազորի գնդապետ Վոլոդյա Հովհաննսիյանը:

Նրա խոսքով՝ Նախիջևանում էլ կուտակվել են Սիրիայից և Իրաքից բերված 2000 թուրքմեն ահաբեկիչներ:

Վոլոդյա Հովհաննսիյանը մեջբերեց «Սիսական» ջոկատի մարտիկ Աշոտ Ավագյանի՝ նախօրեին արած հայտարարությունը, ըստ որի, մարդկանց մի իրական հատված չի հասկանում թե իրականում ինչ է կատարվում, կարծես քարոզչության տակ հիպնոսացած վիճակում լինեն:

Հովհաննիսյանի խոսքով՝ իշխանությունը ոչ միայն բանակը, անվտանգությունը ոչնչացրեց, այլև հասարակությանը ֆիզիկական գոյության պայքարից կտրեց ու դարձրել է «գոյատևող ոչնչություններ»:

«Ոգով արիների կողքին կան նիկոլական ախոռից, լափամանից օգտվողներ մի խումբ, որոնց համար միևնույնն է, թե ինչ է կատարվում և կա քարոզչություն, որ ամեն ինչ լավ է լինելու»,-հայտարարեց  բանախոսը և բերեց Երասխի միջադեպի օրինակը:

Պահեստազորի գնդապետը տեղեկացրեց, որ մարդիկ ասում են, թե Երասխում վախեցած են, իսկ համայնքապետը, որը Փաշինյանի կողմնակիցն է, ասում է թե վախեցած չեն և իզուր տագնապ են տարածում ժողովրդի մեջ և հիշեց, որ պատերազմի ժամանակ էլ էին ասում թե տագնապ են տարածում, բայց արդյունքում Արցախը հանձնվեց:

Նկատելով, որ երկիրը կազմաքանդելու համար բարձր պաշտոնների նշանակվում են ոչ կոմպետենտ մասնագետներ՝ Վոլոդյա Հովհաննիսյանը հայտնեց, որ ՀՀ պաշտպանության նախարարի ոչ մի տեղակալ ոչ միայն ռազմական կրթություն չունեն, այլև՝ բանակում ծառայության փորձ:

Նա նաև հայտնեց, թե վերակազմակերպման նպատակով հանրապետությունում կազմաքանդվել է հակահետախուզության կառույցը, բայց արդեն 6 ամիս է, ինչ նորը չի ձևավորվել, իսկ ԱԱԾ-ի հաստիքբերի 30%-ը կրճատվել է: