Ձեր վստահելի աղբյուրը

«Հրապարակ» թերթը գրում է.

«Ամիսներ շարունակ լուրեր են շրջանառվում, որ նախկին ՄԻՊ Արման Թաթոյանը հնարավոր է մասնակցի Երևանի ընտրություններին: Նրա հրաժարականից ի վեր տարբեր քաղաքական ուժեր և անձինք նրան համոզում են մտնել քաղաքականություն, սակայն նա մերժում է: Իսկ Երևանի ընտրություններին մասնակցելու հարցում էլ օրեր առաջ մեր լրագրողին ասել էր, որ առաջարկ ստացել է, սակայն դեռ որոշում չի կայացրել:

Վերջին օրերին տարբեր աղբյուրներից ինֆորմացիա ենք ստանում, որ Թաթոյանը որոշում է կայացրել, և նախապատրաստական աշխատանքներ են տարվում այդ ուղղությամբ։ Փորձ է արվում Թաթոյանի շուրջ լայն կոնսոլիդացիա ձևավորել։ Ըստ էության, նա համարվում է այն կոմպրոմիսային թեկնածուն, որի դեպքում կարող է մի քանի ուժ միավորվել և միասնական թեկնածու առաջադրել: Իհարկե, իշխանությունը փորձելու է ջլատել դաշտը և հնարավորինս շատ թեկնածուներ մտցնել խաղի մեջ, որ այդ ուժերը միմյանցից ձայներ խլեն, և ընդդիմության ձայները փոշիանան` նպաստելով ՔՊ-ի հաղթանակին:

Բայց ընդդիմության որոշ գործիչներ հասկանում են դա և ամեն ինչ անում են իշխանությունների պլանները ձախողելու համար: Այս առումով Թաթոյանը հարմար թեկնածուներից է: Սակայն երեկ Թաթոյանը մեր զանգերին և հաղորդագրություններին այդպես էլ չպատասխանեց»։

Մանրամասները թերթի այսօրվա համարում