![](https://panorama.am/news_images/952/2854596_1/f64916adbd4727_64916adbd4769.thumb.jpg)
Հայաստանը հիմնավոր պնդումներ է անում. Լուկաշենկոն՝ ՀԱՊԿ ԱԳ նախարարների հետ հանդիպմանը
Հունիսի 20-ին Բելառուսի նախագահ Ալեքսանդր Լուկաշենկոն ՀԱՊԿ անդամ երկրների արտգործնախարարների հետ հանդիպմանը հորդորել է չխուսափել խնդիրներից, այլ լուծել դրանք, որքան էլ դժվար լինի: Այդ մասին հայտնում է ԲելՏԱ-ն։
Նա նշել է, որ կազմակերպության համար այժմ շատ դժվար ժամանակ է և պահանջում է ուժերի, փորձի և ռեսուրսների առավելագույն մոբիլիզացիա՝ խաղաղությունը պահպանելու համար։ նա հայտնեց, որ հանդիպմանը նախապատրաստվելիս մտածել է, թե գլխավորն ինչ ասի, քանի որ վերջին շրջանում արդեն շատ բան է հայտարարվել։ Գնահատական տալով ՀԱՊԿ գործունեությանը՝ Ալեքսանդր Լուկաշենկոն նշել է, որ կազմակերպությանը երբեմն իրավացիորեն քննադատում են կոնկրետ խնդիրներ լուծելու հարցում։
Օրինակ, Ղրղզստանը երկար ժամանակ օգնություն է խնդրում Տաջիկստանի հետ հակամարտությունը լուծելու համար։ Հայաստանի կողմից հիմնավոր պնդումներ են առաջ քաշվում: Բելառուսի ղեկավարը հայտնել է, որ եթե չլուծեն այդ խնդիրները, ապա ՀԱՊԿ երկրները միշտ կհանդիմանեն միմյանց, դժգոհություն կհայտնեն կազմակերպության աշխատանքից։ Ուստի, ինչպես էլ պտտվեն կամ շրջվեն, պետք է խորանալ ՀԱՊԿ երկրների խնդիրների մեջ և ելք փնտրել։
«Խնդիրներ կան, դրանք պետք է լուծվեն, որքան էլ դժվար լինեն։ Եվ մենք երբեմն չենք ցանկանում լուծել դրանք՝ իրենց բարդության պատճառով»,-ասել է Ալեքսանդր Լուկաշենկոն։ Նա ընդգծեց, որ այս խնդիրների լուծմանը եթե Արևմուտքից «բարեկամ-խորհրդականները» ներգրավվեն, ապա շատ ավելի դժվար կլինի որևէ բան անել։
Լրահոս
Տեսանյութեր
![Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ](https://panorama.am/video_images/17/49954_1/photo_2024_07_05_16_43_08_v3.thumb.jpg)
Նոր Սահմանադրության մասին Փաշինյանի հայտարարությունները հիմնազուրկ են ու մտացածին. Սահմանադրագետ
![Հայաստանը շուտով Ռուսաստանում ունենալու է նոր դեսպան . Ալեն Սիմոնյան](https://panorama.am/video_images/17/49949_1/f6687d2af81fab_6687d2af81fec.jpg)
![Գնդակը գտնվում է ադրբեջանական կողմում. Ալեն Սիմոնյան](https://panorama.am/video_images/17/49941_1/f6687b8f87fc6a_6687b8f87fcab.jpg)