Թրամփի դեմ հարուցված մեղադրանքը տարաձայնություններ է առաջացրել որոշ հանրապետականների միջև

Քաղաքական 08:12 21/06/2023 Աշխարհում

Թրամփի դեմ հարուցված մեղադրանքը տարաձայնություններ է առաջացրել որոշ հանրապետականների միջև

Գաղտնի փաստաթղթերի պահման համար ԱՄՆ նախկին նախագահ Դոնալդ Թրամփի դեմ հարուցված մեղադրանքը որոշակի պառակտումներ է առաջացրել հանրապետականների շրջանում, գրում է «Ամերիկայի ձայն»-ը։

Նույնիսկ այն դեպքում, երբ նախկին նախագահ Դոնալդ Թրամփն անցյալ շաբաթ իրեն «մեղավոր» ճանաչեց գաղտնի փաստաթղթերի սխալ տնօրինման գործով, նրա դեմ հարուցված վերջին մեղադրանքը շարունակում է բուռն բանավեճեր հրահրել իր իսկ կուսակցության անդամների միջև:

Նախագահի հանրապետական թեկնածու և նախկին դատախազ Ասա Հաթչինսոնը ABC-ին ասել է, որ Թրամփը պետք է դուրս մնա նախագահական մրցապայքարից։

«Բազմաթիվ տարբեր հետաքննությունների մարտահրավերի պայմաններում արդար չէ երկրի և, իհարկե, հանրապետականների համար նրա մասնակցությունը մրցապայքարին»,-ասել է նա։

NBC-ին տված հարցազրույցում նախկին փոխնախագահ Մայք Փենսը, ով նույնպես առաջադրվում է նախագահի պաշտոնում, հարց հնչեցրեց, թե ինչու են հանրապետականների նախնական ընտրություններում իր մրցակիցները ենթադրում, որ Թրամփը մեղավոր է ճանաչվելու:

«Մենք միայն գիտենք, թե ինչի համար է մեղադրվում։ Մենք չգիտենք, թե արդյոք նա նույնիսկ կդատվի, թե ոչ»,-ասել է նա։

Ելույթ ունենալով CNN-ի եթերում՝ Ներկայացուցիչների պալատի հետախուզության հանձնաժողովի նախագահ, հանրապետական Մայք Թերներն ընդգծել է իրավական գործընթացն առաջ տանելու կարևորությունը՝ շեշտելով, որ դեռ պետք էապացուցել մեղադրանքը:

Նախագահ Ջո Բայդենը, ով այս շաբաթվա վերջին սկսեց վերընտրվելու համար քարոզարշավը, հրաժարվել է մեկնաբանել Թրամփի իրավական մարտահրավերները:

Տեքստում սխալ կամ վրիպակ նկատելու դեպքում, ուղարկեք խմբագրին հաղորդագրություն` նշելով տվյալ սխալը, այնուհետև սեղմելով Ctrl-Enter: