Ձեր վստահելի աղբյուրը

«Հրապարակ» թերթը գրում է.

«Մեկնաբանելով Ռուսաստանում «Վագներ» խմբավորման կազմակերպած խռովությունը՝ ԱԺ նախագահ Ալեն Սիմոնյանը երեկ մեզ հետ զրույցում հայտարարեց, որ Ռուսաստանում տեղի ունեցող իրադարձություններն այդ երկրի ներքին գործն են, թեև դրանք տարածաշրջանի, մասնավորապես Արցախի և Հայաստանի վրա բացասական ազդեցություն են ունենալու. «Որովհետև, այո, Ռուսաստանն է Արցախի երաշխավորը՝ նոյեմբերի 9-ի հայտարարությամբ։ Նաև մեր երաշխավորն էին, բայց մենք տեսնում ենք՝ այնպես չէ, որ ամբողջությամբ կատարում են իրենց պարտականությունը»։

Ալեն Սիմոնյանի հավաստմամբ՝ ՀՀ իշխանությունները ստեղծված իրավիճակից հետևություններ են անում. «Սա ևս մեկ ապացույց է, որ մենք հնարավորինս արագ պետք է մեր տարածաշրջանում առկա խնդիրները լուծենք։ Ինչպես ասում է վարչապետը՝ մենք պետք է հնարավորինս արագ վերցնենք մեր երկրի սեփականության վկայականը՝ գծագրով, և խաղաղություն հաստատենք։ Հիմա պրոցեսն առաջ է գնում, և վստահ եմ, որ այս փուլում կարող ենք հաջողության հասնել»։

Բոլոր իրավիճակներում այս իշխանությունը, փաստորեն, փորձում է առաջ մղել ադրբեջանական շահը և հասարակությանը հաշտեցնել Ադրբեջանի պահանջներին համաձայնելու և նրանց ուզածը տալու մտքի հետ։ Չարաբաստիկ պայմանագրի կնքումը դարձել է ՔՊ-ականների ամենավառ երազանքը»։

Մանրամասները թերթի այսօրվա համարում