Ձեր վստահելի աղբյուրը

«Ես ինձ ամեն ինչում մեղավոր եմ համարում, բայց ես մի պրոբլեմ ունեմ։ Երբ սկսում եմ ձևակերպել իմ մեղադրական եզրակացությունը, ձևակերպում եմ, ձևակերպում եմ, ինչ-որ մի տեղ մտնում եմ փակուղի»,- 2020 թվականի սեպտեմբերի 27-ին սանձազերծված ռազմական գործողությունների հանգամանքների ուսումնասիրման նպատակով ստեղծված ԱԺ քննիչ հանձնաժողովի նիստում ասաց Նիկոլ Փաշինյանը։

Այս հարցում Նիկոլ Փաշինյանը նաև ընդդիմության օգնությունն է ակնկալում։

«Գալիս և ԱԺ-ում ինձ ասում են, որ Կովսականը տվեցիր, հետո ասում են՝ պատերազմը չկանգնեցրիր։ Հետո բացում և տեսնում եմ, որ Կովսական չէ, այլ՝ Զանգելան։ Հարգելի գործընկերներ, ձեր խնդիրը նրանում է, որ մի նախադասության մեջ ինձ մեղադրում եք, որ Կովսականը հանձնել եմ, մյուս նախադասության մեջ մեղադրում եք, որ Զանգելանը չեմ հանձնել։

Ես ինձ մեղավոր եմ ճանաչում և զգում, բայց իմ մեղադրական տեքստը, երբ սկսում եմ գրել, գալիս ու կանգնում  եմ փակուղու առաջ, կանգնում եմ՝ Զանգելանի առաջ։
Նույն քաղաքական ուժն ինձ ասում է հանձնեցիր-չհանձնեցիր, կռվեցիր-չկռվեցիր, համաձայնվեցիր-չհամաձայնվեցիր։ Պետք է կողմնորոշվել։

Սա քաղաքական ձև չէ»,-ասաց նա։

Հարցին՝ ձեր մտքում հարց անցել է, որ «ինչպես ասում եք «կաբինետ չմտած արդեն հայտարարում էին, որ հողերը տալիս է», կարո՞ղ է իրենք օգտվեցին պահից, ավելի հեշտ զիջեցին իշխանությունը, գիտեին՝ ինչ է գալու իրենց գլխին», Փաշինյանն ասաց. «Անկեղծ ասեմ, մտքովս նման բան մի երկու անգամ անցել է»։