Ձեր վստահելի աղբյուրը

«Եթե հայտնաբերել եք կոնկրետ խախտում, ուրեմն այդ խախտման բոլոր հանգամանքները դուք պարտավոր եք  ուսումնասիրել։ Ինչո՞ւ չեք ուսումնասիրել, ի՞նչ է նշանակում՝  մեզ դա չի հետաքրքրում»,- Բարձրագույն դատական խորհրդում  Սնանկության դատարանի դատավոր Սամվել Թադևոսյանին, Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանին և Տիգրան Պետրոսյանին կարգապահական պատասխանատվության ենթարկելու հարցի վերաբերյալ արդարադատության նախարարի պարտականությունները կարող  Լևոն Բալյանի միջնորդության քննարկմանն ասաց դատավոր Տիգրան Պետրոսյանը՝  հարցն ուղղելով արդարադատության նախարարության ներկայացուցչին։

Նա հարցեց՝  խախտման հանգամանքները պարզման ենթակա՞ են, թե՞ ոչ. «Ինչպե՞ս է կոնկրետ տեղի ունեցել խախտումը, պե՞տք է պարզվի, թե՞ ոչ, թե հենց այնպես խոսում ենք»։

Դատավորն ընդգծեց. «Այսինքն մեր խախտման  հանգամանքներն ուսումնասիրության առարկա չե՞ն դարձել։ Առանց ուսումնասիրության եք որոշել կարգապահական պատասխանատվության ենթարկել։

Արդարադատության ներկայացուցիչն ասաց. «Ձեր վկայակոչած կոնկրետ հանգամանքը ուսումնասիրության առարկա չի դարձել»։

Հիշեցնենք, որ վարույթի հիմքում ՄԻԵԴ վճիռներից մեկն է. նախարարը միջնորդել է դատավորներին պատժել 2009 թվականին, այսինքն՝ 14 տարի առաջ կայացված դատական ակտերի համար՝««Շոլց ԱԳ» ընկերությունն ընդդեմ Հայաստանի» 2019թ հունվարի 24-ին հրապարակված ՄԻԵԴ վճռի հիման վրա։