Ձեր վստահելի աղբյուրը

Բարձրագույն դատական խորհրդի նիստում Սնանկության դատարանի դատավոր Սամվել Թադևոսյանին, Վերաքննիչ քաղաքացիական դատարանի դատավոր Աստղիկ Խառատյանին, Վճռաբեկ դատարանի քաղաքացիական պալատի դատավորներ Արտակ Բարսեղյանի և Տիգրան Պետրոսյանին կարգապահական պատասխանատվության ենթարկելու հարցի վերաբերյալ արդարադատության նախարարի պարտականությունները կարող  Լևոն Բալյանի միջնորդության քննությանը Աստղիկ Խառատյանի ներկայացուցիչ Սիրանուշ Սահակյանը էլեկտրոնային տարբերակով միջնորդություն է ներկայացրել՝ աշխատանքային հինգ օրով հետաձգել ԲԴԽ նիստը։

Աստղիկ Խառատյանի մյուս  ներկայացուցիչ Արմեն Գալստյանն ընթերցեց Ս. Սահակյանի միջնորդությունը, ով այսօր անհնարությամբ պայմանավորված ներկա չէ նիստին։

Ս. Սահակյանի միջնորդության համաձայն. «Երկու ժամը բավարար չէ արդարադատության նախարարության պատասխանները վերլուծելու, դիրքորոշում ձևավորելու, այն հիմնավորելու համար, նման  պայմաններում ներկայացուցչի մասնակցությունը դատական քննությանը  կրում է  ձևական բնույթ, իսկ պաշտպանության իրավունքի իրականացումն անարդյունավետ է։ Հաշվի առնելով  պատշաճ պաշտպանության կազմակեպման անհնարինությունը՝ միջնորդում եմ  ԲԴԽ նիստի հետաձգումն առնվազն  հինգ աշխատանքային օր՝ ապահովելու համար  արդար դատաքննության իրավունքի այնպիսի էական երաշխիքները, ինչպիսին են պաշտպանության համար բավարար ժամանակ, հնարավորություն ունենալու իրավունքը,  կողմերի հավասարության և մրցակցության սկզբունքը»։

Բարձրագույն դատական  խորհուրդը մերժեց միջնորդությունը և նիստը շարունակվեց։