![](https://panorama.am/news_images/954/2859416_1/capture.thumb.jpg)
Մեր կառավարությունը, առերեսվելով բոլոր դժվարությունների և բարդությունների հետ, շարունակելու է խաղաղության քաղաքական ուղեգիծը. Փաշինյան
«ԵԽԽՎ վեհաժողովը հրատապ կոչ է նում լուծել ԼՂ-ի հայության իրավուքների և անվտանգության խնդիրները Բաքվի և Ստեփանակերտի միջև երկխոսության, ինչպես նաև խաղաղության իրականացման ցանկացած մեխանիզմում չեզոք միջազգային ներգրավվածության միջոցով»,-ԵԽԽՎ վեհաժողովի ընդունած վերջին զեկույցից կառավարության նիստում մեջբերում արեց Նիկոլ Փաշինյանը:
Նրա ներկայացմամբ՝ Վեհաժողովն արձանագրել է, որ Լաչինի միջանցքի փակումը 2020 թվականի նոյեմբերի 9-ի եռակողմ հայտարարության դրույթների խախտում է, և արձանագրվել է ԼՂ բնական գազի և էլէկտրաէներգիայի արգելափակման փաստը՝ Ադրբեջանին կոչ անելով անհապաղ վերականգնել այդ մատակարարումները և կատարել Լաչինի միջանցքն արգելափակելու մասին Արդարադատության միջազգային դատարանի հրամանը:
Փաշինյանը հայտնեց, որ ԵԽԽՎ-ի բանաձևն կարևոր է Արցախի շուրջ իրավիճակի միջազգային ուշադրությունը մեծացնելու առումով և ՀՀ ԱԳՆ-ն հետևողական կլինի այն ԵԽԽՎ-ի գործադիր մարմնում՝ նախարարների խորհրդում պահելու համար:
Անդրադառնալով Վաշինգտոնում տեղի ունեցեղ ՀՀ-Ադրբեջան ԱԳ նախարարների հանդիպմանը՝ ՀՀ գործադիր մարմնի ղեկավարն ասաց. «Մեր տարածաշրջանում խաղաղությունն այլընտրանք չունի և մեր կառավարությունը, առերեսվելով բոլոր դժվարությունների և բարդությունների հետ, շարունակելու է խաղաղության քաղաքական ուղեգիծը»:
Լրահոս
Տեսանյութեր
![Աղջկաս գիշերն եմ տարել, հանձնել հողին, խփում էին. Դավիթ Բեկի բնակիչ](https://panorama.am/video_images/17/49845_1/f667ff44f2ba7f_667ff44f2babf.jpg)
![Ավինյանը պետք է պատասխան տա ԱՆԻՖ-ի լուծարման համար. Քաղաքագետ](https://panorama.am/video_images/17/49832_1/f667ec7df01fc0_667ec7df0200f.jpg)
![Չարիքը պետք է վերացնենք և այո, ես դա հանձն եմ առել. Բագրատ Սրբազան](https://panorama.am/video_images/17/49824_1/f667ebd6bdf23c_667ebd6bdf284.jpg)
![Շողեր Բաբայան. Աշակերտի չափ պետք է կարևորվի նաև ուսուցիչը](https://panorama.am/video_images/17/49813_1/f667eaaf24aa7c_667eaaf24aabc.png)