Ձեր վստահելի աղբյուրը

«Հայաստան» դաշինքի անդամ Նարեկ Մանթաշյանը, որ տևական ժամանակ գտնվում էր անազատության մեջ, գրում է.

«Հերթական քրեական գործը։

Սիրելի ընկերներ տեղեկացնում եմ, որ երեկ ժամը 16:50-ի սահմաններում համայնքային ոստիկանը այցելել է մեր տուն և կնոջս միջոցով զանգել ինձ ու տեղեկացրել, որ նույն օրը ժամը 17:00, այսինքն10 րոպե հետո, պիտի ներկայանամ կենտրոնի քննչական բաժին, որպես վկա հարցաքննության: Քանի որ տեխնիկապես արդեն անհնար էր հասցնել, խնդրեցի ծանուցագրից թելադրել քննիչի հեռախոսահամարը: Քննիչի հետ խոսեցի, պարզվեց՝ ունեմ դեռ վկայի կարգավիճակ (կասկածվող վկայի), խոսակցությունից հասկացա, որ մեղադրանք է առաջադրվելու:

Այսօր ժամը 18:00-ին ներկայանալու եմ հարցաքննության, ըստ իմ նախնական տեղեկատվության և քննչական կոմիտեի իմ աղբյուրի, ինձ մեղադրանք է առաջադրվելու դատարանի նկատմամբ անհարգալից վերաբերմունքի հոդվածով:

Սա հերթական քաղաքական հտապնդումն է իմ նկատմամբ, մի խելացնոր, իշխանատենչ մարդու անմիջական ցուցումով, որը ջղաձգվում է՝ հասկանալով, որ մեզ քրգործերով կամ կալանքներով վախեցնելն անհնար է:

Քննչական գործողության ավարտից հետո՝ երեկոյան կներկայացնեմ գործի մանրամասները»։