Ձեր վստահելի աղբյուրը

Դիետոլոգ,  բժշկական գիտությունների թեկնածու Օկսանա Պանովան անդրադարձել է սառը շիլայի օգտակարությանը՝ որպես ամառային նախաճաշ։ Ռուս մասնագետի կարծիքով՝ ամռանը նախաճաշը պետք է տարբերվի ցուրտ եղանակի նախաճաշից։ Պանովան «Գազետա.ռու»-ին պատմել է, թե շոգին ինչն է օգտակար նախաճաշի համար և ինչ մթերքներ է պետք հրաժարվել։

Իդեալական ամառային նախաճաշը պետք է լինի չափավոր առատ: Շոգին չափից շատ ուտելը կարող է ծանրաբեռնել օրգանիզմը և նվազեցնել աշխատունակությունը: Այնուամենայնիվ, մի քանի մրգերով կամ բլիթով սահմանափակվելը նույնպես լավ գաղափար չէ:

Շոգ եղանակին շատերը հրաժարվում են լիարժեք կերակուրից, ուստի կարևոր է նախաճաշից ճիշտ էներգիա ստանալ: Շեշտը կարելի է դնել սեզոնային բանջարեղենի, խոտաբույսերի, մրգերի և հատապտուղների վրա: Ամռանը դրանք առանձնանում են վիտամինների և հանքանյութերի առավելագույն խտությամբ։

Ընդ որում, ի տարբերություն ցուրտ եղանակի, ամռանը նախաճաշը ամենևին պարտադիր չէ տաք պատրաստել, մանավանդ որ նույնիսկ ծանոթ ուտեստները կարելի է սառը օգտագործել։

Այսպիսով, ինչպիսի՞ նախաճաշեր կարելի է նախընտրել շոգին։

Սառը շիլան համարվում է նախաճաշի ամենահայտնի և առողջարար տարբերակներից մեկը։ Շոգ եղանակին ճաշատեսակը կարելի է փոփոխել և պատրաստել սառը։ Վարսակի ալյուրի վրա լցնում են ջուր կամ մածուն և ամբողջ գիշեր դնում սառնարանը։

Սեզոնային հատապտուղները կօգնեն դիվերսիֆիկացնել նման նախաճաշը՝ ելակ, ազնվամորի, հապալաս, կարմիր և սև հաղարջ: Օգտակար է նաև օգտագործել սեզոնային մրգերի կտորներ՝ դեղձ, նեկտարին, ծիրան կամ խնձոր։ Բայց ավելի լավ է հրաժարվել բանանից և խաղողից։ Դրանք ունեն բարձր գլիկեմիկ ինդեքս, և շիլայի հետ օրգանիզմի համար կարող են դառնալ իսկական «ածխաջրային ռումբ»։ Նման նախաճաշը արյան մեջ ինսուլինի տատանումներ կառաջացնի, իսկ ուտելուց անմիջապես հետո նորից քաղց կզգաք։

Եթե ցանկանում եք նախաճաշը դարձնել ավելի թեթև, ապա կարող եք նախապատվությունը տալ ջրով կամ բուսական կաթով շիլային։ Ավելի մեծ հագեցվածության համար ճաշատեսակին կարելի է ավելացնել բուսական ճարպեր՝ ընկույզներ կամ սերմեր:


Ձվածեղը դասական նախաճաշ է, որը կարելի է անվտանգ ուտել ինչպես ձմռանը, այնպես էլ ամռանը: Ավելորդ քաշ կամ բարձր խոլեստերին ունեցող մարդիկ պետք է սահմանափակեն դեղնուցի քանակը, իսկ սպիտակուցների քանակը կարող է շատ ավելի մեծ լինել։ Այսպիսով, օրինակ, կարելի է ձվածեղ պատրաստել երեք-չորս սպիտակուցից և մեկ դեղնուցից։

Երշիկեղենը, բեկոնը և այլ «մսային» հավելումները պետք է փոխարինվեն բանջարեղենով և բուսական այլ բաղադրիչներով՝ թարմ լոլիկ, պղպղեղ։ Դրանք կարելի է թեթև տապակել կամ շոգեխաշել առանց յուղի թավայի մեջ։ Միևնույն ժամանակ, ջերմային մշակումը չպետք է շատ երկար լինի՝ այս կերպ բանջարեղենը կպահպանի առավելագույն «օգտակարությունը»:

Շոգ եղանակին մրգային սմուզին նախաճաշի շատ լավ տարբերակ է: Պատրաստելը շատ ժամանակ չի պահանջում. պարզապես մրգերը կամ հատապտուղները հունական յոգուրտով կամ հյութով խառնեք բլենդերի մեջ: Որպեսզի ըմպելիքն ավելի քիչ կալորիական լինի, հյութը կարելի է փոխարինել բնական կոմպոտով սեզոնային հատապտուղներից՝ առանց շաքարի ավելացման, կամ պարզապես ավելացնել սառույց։ Դուք նաև կարող եք սմուզիին ավելացնել մի քիչ վարսակի ալյուր, սերմեր կամ ընկույզներ՝ լրացուցիչ սնուցման համար:

Ամռանը միանգամայն հնարավոր է նախաճաշին մի քանի սենդվիչ ուտել՝ պայմանով, որ դրանց բաղադրությունը հավասարակշռված լինի։ Սովորական ցորենի հացով և երշիկով սենդվիչները լավագույն տարբերակը չեն։ Նախ՝ հեշտ մարսվող ածխաջրերը երկար ժամանակ չեն հագեցնում օրգանիզմը։ Երկրորդ՝ երշիկեղենը և այլ վերամշակված մսամթերքը մեծ քանակությամբ աղ են պարունակում։ Շոգ եղանակին աղի չարաշահումը կարող է առաջացնել հեղուկի կուտակում մարմնում և այտուց:

Լավագույն համադրությունը կլինի ամբողջահատիկ հացը և հավի կամ հնդկահավի միսը։ Նման սենդվիչի հյութեղության համար կարող եք ավելացնել հազարն ու ձեր սիրած բանջարեղենը՝ թարմ պղպեղ, վարունգի շերտ, լոլիկ կամ բողկ: Բարդ ածխաջրերի, սպիտակուցների և մանրաթելերի համակցության շնորհիվ նման նախաճաշը երկար ժամանակ հնարավորություն կտա  ձեզ լիարժեք զգալ և կօգնի բարձրացնել աշխատունակությունը: