Ձեր վստահելի աղբյուրը

Հինգ դատավորների լիազորություններից զրկելու ԲԴԽ որոշումը մեծ զայրույթ, քննադատություն, արձագանք է առաջացրել իրավաբանների, այդ թվում ավելի վաղ լիազորություններից զրկված դատավորների, փաստաբանների շրջանում։

ԲԴԽ որոշմամբ լիազորությունները դադարեցված դատավոր Աննա Փիլոսյանը գրել է. 
«Շուրջ մեկ տասնամյակ առաջ դատական իշխանությունը համալրվեց մի քանի քրեական մասնագիտացմամբ դատավորներով, որոնք արմատապես հեղափոխեցին քրեական արդարադատության ոլորտը, դարձրեցին իրական մրցակցային դատավարություն, թելադրողի դերը դատախազությունից փոխանցեցին դատարանին, դարձան ու կերտեցին դատավորի այն կերպարը, ում ձգտում են նմանվել ու համապատասխանել:
Դժվար է այլևս պատկերացնել իրավիճակ, երբ որևէ կարգավիճակում գտնվող դատավարության մասնակից հնարավորություն չունենա ներկայացնել իր գործը, չունենա գործի հրապարակային քննության հնարավորություն, չիրացնի իր լսված լինելու իրավունքը...
Դատական նիստերի դահլիճին Դատարանի շունչ ու ոգի տված դատավորներից մեկն էլ Դավիթն էր Հարությունյան, ում «դատավարությունը» արտացոլումն էր այն ամենի, ինչի դեմ պայքարել ու թվում էր արմատախիլ էր արել:
Չգիտեմ՝ Դավիթի ճանապարհը մեր իշխանությունում ավարտվեց, թե դադար վերցրեց, բայց Դավիթի հետքն այլևս անջնջելի է:
Դավիթից առավել ափսոսում եմ ԲԴԽ երկու դատավոր-անդամների համար, ովքեր իրենց իսկ գրչի մեկ հարվածով ջնջեցին տարիներ շարունակ սեփական աշխատանքով ստեղծած իրենց հետագիծը»։

Փասաբան Գեորգի Մելիքյանը գրում է. 
«Դատավոր Դավիթ Հարությունյանի լիազորությունները թեև դեյուրե ապօրինի դադարեցվեցին, սակայն դեֆակտո դատավոր մնումա և օրը կգա, ձեր սրած թուրը ձեր հետույքնա մտնելու՝ չնայած բդխ հիշյալ կսմզը դրանից չի նեղվում։
Հիշեք՝ անդրեասյան կոչվածը կամ նիկոլը մեղավոր չեն փաստացի այլ մեղավորը հայ ազգի մեջ այսքան դավաճան տականքների առկայություննա որ էդ անբարոյականների նմանները իշխում են։
Երբ հերթը և ժամանակը գա կարենանդրեադյանական խունտայի դատվելու, իսկ այդ օրը գալու է երազելու եք որ Դավիթ Հարությունյան դատավորի նման անձը դատի»։

Վճռաբեկ դատարանի քաղաքացիական պալատի դատավոր Տիգրան Պետրոսյանի որդին՝ Գարեգին Պետրոսյանը, որ մասնագիտությամբ իրավաբան է, գրել է.

«Ասելու շատ բան կա. առիթներ կլինեն ամբողջ ասելիքս ասելու։ Այս պահին պարզապես ուզում եմ շնորհակալություն հայտնել դատավոր Արշակ Վարդանյանին՝ դատավորի կոչմանը ՄՇՏԱՊԵՍ հավատարիմ մնալու համար»։

Հիշեցնենք, որ Արշակ Վարդանյանը չորս դատավորների կարգապահական պատասխանատվության ենթարկելու վերաբերյալ ներկայացրել է  հատուկ կարծիք։

Փաստաբան Երեմ Սարգսյանը գրում է. 
«ԲԴԽ-ի կարեն անդրեասյանն իր ձեռքերով գրեց իր մեղադրական դատավճիռը և ամենակարևորը, որ ինքն է բոլոր փաստերը արձանագրել․․․ Իսկ ԲԴԽ-ի դատավոր անդամներն ու «հեղինակավոր»  իրավաբան «գիտնականները» հլու-հնազանադ սատար կանգնեցին նրա ապօրինություններին»։