Ձեր վստահելի աղբյուրը

2023 թ. հունվար-հունիս ամիսների ընթացքում հարկ վճարողներին և ֆիզիկական անձանց վերադարձվել է շուրջ 175.8 մլրդ դրամ, ինչը նախորդ տարվա նույն ժամանակաշրջանի ցուցանիշից ավելի է 72.1 մլրդ դրամով կամ 69.5%-ով իսկ 2021թ. նույն ժամանակաշրջանի ցուցանիշից ավել է 91.7 մլրդ դրամով կամ 109%-ով: Այս մասին տեղեկացնում են  ՊԵԿ-ից։

«2022 թ.  առաջին կիսամյակի ընթացքում հարկ վճարողներին և ֆիզիկական անձանց վերադարձվել է 103.7 մլրդ դրամ, իսկ 2021-ի նույն ժամանակահատվածում՝ 84.1 մլրդ դրամ: 

Մասնավորապես, ԱԱՀ գծով 2023թ. առաջին կիսամյակի ընթացքում վերադարձը կազմել է շուրջ 146.1 մլրդ դրամ, ինչը 2022թ. նույն ժամանակաշրջանի ցուցանիշից ավելի է 61.5 մլրդ դրամով կամ 72.7%-ով, իսկ 2021թ.-ի նույն ցուցանիշից` 77.2 մլրդ դրամով կամ 112.1%-ով: 2022 թ. ԱԱՀ գծով հունվար-հունիս ամիսների վերադարձը կազմել է 84.6 մլրդ դրամ,  2021 թ.-ին՝ 68.9 մլրդ դրամ:

Եկամտային հարկի գծով 2023թ. առաջին կիսամյակի վերադարձը կազմել է շուրջ 27.2 մլրդ դրամ, որը 2022թ. նույն ժամանակաշրջանի ցուցանիշից ավելի է 8.8 մլրդ դրամով կամ 48%-ով իսկ 2021թ.-ի նույն ցուցանիշը գերազանցում է 16.7 մլրդ դրամով կամ 159.5%-ով: Եկամտային հարկի գծով վերադարձը 2022 թ. առաջին կիսամյակի ընթացքում կազմել է 18.3 մլրդ դրամ, 2021 թ.  նույն ժամանակաշրջանում՝ 10.5 մլրդ դրամ»,- ասվում է հաղորդագրությունում: