Ձեր վստահելի աղբյուրը

«Նախագծով միտումնավոր, ծրագրավորված գործողությունից հանում են զբաղվածության պետական կարգավորման ծրագիրը ՝ մի պարզ պատճառով, որ հնրավոր չլինի գնահատել նախարարության՝ որպես լիազոր մարմնի և իր ծառայության գործունեության արդյունքները»,-խորհրդարանում հայտարարեց պատգամավոր Թադևոս Ավետսիյանը՝ ելույթ ունենալով «Զբաղվածության մասին» օրենքում փոփոխություններ կատարելու մասին օրենքի նախագծի և կից փաթեթի քննարկման ժամանակ:

Նրա խոսքով՝ այդ ծրագիրը տարիներ շարունակ ձախողել են, թերակատարումներ են եղել, վերաբաշխումներ են արվել և ներկայում որպեսզի հնրավոր չլինի այլևս գնահատել, որոշել են ամենամյա ծրագիրը հանել:

«Հանում են, բայց գումարները մնում է՝ ծախսվում և ծրագրային բյուջետավորման համատեքստում անհնար է դառնում որևէ կերպ գնահատելու՝ արդյոք ծախսված գումարով խնդիրը լուծվեց, թե ոչ»,-ասաց Ավետիսյանը

Ավետիսյանը պարզաբանեց, որ նախագծով հանվում է նաև համաձայնեցման կոմիտեների գաղափարը, որտեղ այդ ծրագրերը պլանավորման փուլում պետք է քննարկվեին և հաշվի առնվեր սոցիալական գործընկերների առաջարկները՝ գործատուների, աշխատողների շահերի պաշտպանության հարցում:

Նա հայտնեց, որ առանց առաջին ընթերցում անցնելու, երկրորդ ընթերցմաբ փաթեթին ավելացվել է ևս երկու օրենքում փոփոխություններ կատարելու նախագծեր, ինչը իրավական խնդիր է:

««ԱԺ կանոնակարգ» օրենքի պահանջի խախտմամբ միանգամից սղղացնում են ևս երկու օրենքի փոփոխություններ»,-հայտարարեց ընդդիմադիր պատգամավորը: