Ձեր վստահելի աղբյուրը

«Մարտունու վարչական համայնքի՝ քաղաքապետարանի ներկայացուցիչ Կարեն Սիմոնյանը, փաստացի չի ապահովում սահմանադրական գործընթացի պատշաճ ընթացքը»,-այս մասին հայտնում է «Հայաքվե» նախաձեռնության Մարտունիի համակարգող Նաիրի Հոխիկյանը՝ անդրադառնալով այսօր նախաձեռնության անդամների վրա հարձակման դեպքին։

Նա տեղեկացնում է, որ սադրիչները բերման են ենթարկվել, երկու հոդվածով՝ խուլիգանության և ընտրական գործընթացին խոչընդոտելու վերաբերյալ հանցագործության մասին հաղորդում է ներկայացվել:

Նախաձեռնության համակիրներից տիկին Թամարան պատմում է, թե ինչպես սպիտակահեր մի տղամարդ հարձակվեց իր և կողքին նստած աղջկա վրա։

«Մեկ էլ հանկարծակի մի սպիտակ մազերով մարդ, մեծահասակ էլ էր, հարձակվեց մի ձեռն ինձ վրա, մեկը՝ էդ աղջկա վրա»,-պատմում է կինը։

Նրա խոսքով, քաղաքապետարանի ներկայացուցիչը տեսել է այդ ամնեը, սակայն որևէ միջամտություն, օգնություն չի ցուցաբերել։

«Ասեցի՝ ախպեր ջան, գոնե դու արի քաշի էն կողմ»,-ասում է կինը։